Прокурорын байгууллагаас өнгөрсөн 7 хоногт 288 хэрэгт яллах дүгнэлт үйлдсэн байна. Нийслэлийн прокурорын газраас дараах хэргүүдэд яллах дүгнэлт үйлдэж шүүхэд шилжүүлжээ. Тухайлбал:

• Л.А нь нийтийн албан тушаалтнаар ажиллаж байхдаа “Зорилтот бүлгийн иргэдийг түрээсийн орон сууцанд хамруулах журам”, “Түрээсийн болон түр суурьшуулах орон сууцанд иргэдийг хамруулах түр журам”-ыг зөрчиж, компанийн эзэмшлийн 2 байрыг дур мэдэн бусдад түрээслүүлж, түрээсийн болон ашиглалтын төлбөрийг хувьдаа авч, өөртөө эдийн засгийн давуу байдал бий болгосон хэрэгт Эрүүгийн хуулийн 22.1 дүгээр зүйлийн 1 /Эрх мэдэл, албан тушаалын байдлаа урвуулан ашиглах/-д зааснаар яллах дүгнэлт үйлдэж Дүүргийн Эрүү, Иргэний хялбар ажиллагааны анхан шатны тойргийн шүүхэд,
• Нийтийн албан тушаалтан С.Э нь тендер сонгон шалгаруулалтын үнэлгээний хороонд ажиллаж байхдаа албан тушаалтын байдлаа урвуулан ашиглаж, илт зөрчилтэй компанийг зээлийн мэдээллийн сангийн лавлагаа ирүүлээгүй байхад ирүүлсэн мэтээр танилцуулан, тендерт сонгон шалгаруулж, давуу байдал бий болгосон хэрэгт Эрүүгийн хуулийн Эрүүгийн хуулийн 22.1 дүгээр зүйлийн 1 /Эрх мэдэл, албан тушаалын байдлаа урвуулан ашиглах/-д зааснаар яллах дүгнэлт үйлдэж Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхэд шилжүүлсэн байна.

Эх сурвалж: УЕПГ