3c:I[59690,["/_next/static/chunks/1ee4h2h3j89v4.js","/_next/static/chunks/1ztkj7cali_mn.js","/_next/static/chunks/1kmmur93qjo6h.js","/_next/static/chunks/4333x-jh8__56.js","/_next/static/chunks/3yy_nsik5oh9g.js","/_next/static/chunks/2yl9c9975vdwk.js","/_next/static/chunks/0wl6dvey2x_ot.js","/_next/static/chunks/339cm-as9n_my.js"],"default"] 3e:I[27201,["/_next/static/chunks/1ee4h2h3j89v4.js","/_next/static/chunks/1ztkj7cali_mn.js","/_next/static/chunks/1kmmur93qjo6h.js","/_next/static/chunks/4333x-jh8__56.js","/_next/static/chunks/3yy_nsik5oh9g.js","/_next/static/chunks/2yl9c9975vdwk.js"],"IconMark"] 3d:T8d8d,

Өнгөрч буй долоо хоногт өрнөсөн онцлох үйл явдлуудаас тоймлон хүргэж байна. Цэнхэр өнгийн гарчгууд дээр дарж мэдээг уншина уу.

УЛС ТӨР:

"Ерөнхийлөгчийг онц хүнд гэмт хэрэгт гүтгэсэн, ёс зүйгүй мэдээлэл тарааж буйг няцааж байна"

Няцаалтад, "Сүүлийн үед УИХ-ын нэр бүхий гишүүн Монгол Улсын Ерөнхийлөгчийг онц хүнд гэмт хэрэгт илтэд гүтгэсэн, ёс зүйгүй, хариуцлагагүй мэдээллийг удаа дараа гаргаж буйд харамсаж байна. Бодит байдалтай огт нийцэхгүй худал мэдээллийг нийгэмд зориуд тарааж буйг албан ёсоор няцааж байна.

Иймд хууль тогтоогч УИХ-ын гишүүн нь Монгол Улсын Үндсэн хууль, бусад хуулийг дээдлэн ажиллах зарчмыг баримтлан илтэд худал мэдээлэл тарааж буй ёс зүйгүй, хариуцлагагүй үйл ажиллагаагаа нэн даруй таслан зогсоохыг шаардаж байна.

Монгол Улсын Ерөнхийлөгчийн Хэвлэлийн төлөөлөгч бөгөөд Ерөнхийлөгчийн Тамгын газрын Хэвлэл мэдээллийн албаны дарга Ө.Золбаяр" гэжээ.

Г.Занданшатар: Төрийн албаны шаардлага хангахгүй, цүнх барьсан гэж шүүмжлээд байдаг 260 даргыг цөөлнө

Ерөнхий сайд Г.Занданшатар: Төрийн албан хаагчдын талаар таны үнэлэмжтэй зарим талаар нийлж байна. Мерит зарчмаар ажиллаад явж байгаа төрийн албан хаагчдын нэр хүндийг зарим нэг хүнээс болоод унаж байна. Төрийн албан хаагч гэхээр иргэд авлигач гэдэг байдлаар хандаж байна. Тиймээс төрийн албан хаагчдын дунд адистатчилал хийнэ.

Гэхдээ төрийн албыг 9 хувиар цомхотго гээд та баталчихсан шүү дээ. УИХ-ын чуулганаар баталсан. Одоо цомхотгохгүй бол төсвийн хайчинд орсон байна. Сул орон тоог царцаах, давхардлыг арилгах гэх мэт ажлыг хийж татвар төлөгчдийн мөнгийг зөв зарцуулж чирэгдэл, хүнд суртлыг арилгана. 14 мянган төрийн албан хаагчийг хална гэж буруу ойлгоод байна.

Давхардсан орон тоо, дарга нарын тоог багасгах юм. Төрийн албаны шаардлага хангахгүй, цүнх барьсан гэж шүүмжлээд байдаг 260 даргыг цөөлж байна.

С.Эрдэнэбат: Засгийн газрын байгууллагуудын дансанд 2 их наядын үлдэгдэл байна

УИХ-ын гишүүн С.Эрдэнэбат, Төсвийн тогтвортой байдлын зөвлөлөөс гаргасан тайланд Засгийн газрын байгууллагуудын дансанд 2 их наядын үлдэгдэл байна гэж байна. Бид нар ахмадуудынхаа зээлийг 50 хувиар бууруулаад байгаа шүү дээ. Үүнийг хүүтэй хадгалдаг уу?

Н.Учрал: Төсвийн зардлаар хийх хурал, гадаад томилолтыг цөөлж ₮2 их наядыг хэмнэнэ

Эдийн засгийн хөгжлийн сайд Н.Учрал: Төртэй түншлэх хувийн хэвшилд олгох зөвшөөрлийн хугацааг багасгана. Энгийн зөвшөөрлүүдийг мэргэжлийн холбоонуудад шилжүүлнэ. Үе шатыг багасгаж, эрэмбийг тогтооно. Нэгэнт зарим төслийг хувийн хэвшлээр санхүүжүүлэхээс өөр аргагүй болсон.

Төсвийн хүрээний мэдэгдэлд төр 2 их наяд төгрөгийн хэмнэлт хийж, дарга нарыг цөөлж, үндэсний хороо зөвлөх, комиссыг татан буулгаж, гадаад дотоод томилолтыг хумьж, улсын төсвөөр хийдэг элдэв хурал цуглааныг багасгана.

"30₮ саяын авлига авсан хүн "ТЭЦ-3"-ын дарга болж, шоронд явахгүй байсаар дэлбэлчихлээ"

УИХ-ын гишүүн Б.Пүрэвдорж "Та нар намын хурал дээрээ АН-ынхан бүх хяналт шалгалтыг аваад, бид БАЛАРЛАА гэж ярьсан байна лээ. Ногоон автобусны хэрэгт холбогдсон хүмүүс энд ороод ирчихсэн байна. Та нар яагаад хулгайч нартайгаа тэмцдэггүй юм бэ?

Хулгайч нартай тэмцэх гэж л хяналт шалгалтын газрыг байгуулсан. Гэтэл та нар хүнд зориулж, үндэсний хороонуудыг нааш цааш нь шилжүүлдэг. Ийм байж болохгүй. Хүнд зориулж яам, хороо байгуулдаг, Засгийн газрын бүтцийг өөрчилдөг.

100 сая төгрөгийн авлигаас 30-ыг нь гардан барьсан нөхөр "ТЭЦ-3"-ын дарга болж, шоронд явахгүй байсаар байгаад дэлбэлчихлээ" гэв.

Б.Жавхлан: Нүүрсний үнэ сүүлийн нэг сард 120-130 юаниар уналаа

Сангийн сайд Б.Жавхлан: Төсвийн Ерөнхийлөн захирагч нараас олон санал авлаа. 2025 оны тоонууд дээр тодотгол хийнэ. Учир нь орлого буурсан. Ингэснээр 2026, 2027 оны төсвийн төсөөллийг мөн өөрчлөх шаардлага үүслээ. Эдгээрийг цугт нь УИХ-д өргөн барина.

Энэ оны эцэс гэхэд орлого 3.3 их няд төгрөгөөр дутах нь. Энэ тоо байнга өөрчлөгдөж байна. Сүүлийн нэг сард 120-130 юаниар нүүрсний үнэ уналаа. Энэ нь төсөвт хүчтэй нөлөө үзүүлнэ. Энэ онд дахин төсөвт гар дүрэхгүйн тулд бид зардлаа оны эхнээс танаж ирсэн. Ингэснээр 260 тэрбум төгрөг хэмнэсэн.

БОЛОВСРОЛ:

Б.Мөнхтуяа: П.Наранбаяр сайдыг огцруулахыг мянга, мянган багш шаардаж байна

УИХ-ын гишүүн Ц.Мөнхтуяа: Д.Амарбаясгалан дарга микрофон битгий хаагаарай гэж хүсэж байна. Би ганц л асуулт асууна. Бид нарын өнөөдөр Засгийн газрын бүтэц, бүрэлдэхүүн ярьж байхад ЭЕШ боллоо. Нийт 42 мянган суралцагч шалгагдсан. Шалгалт нэлээн хуудуутай, худал болсон. Мэдэж байна уу.

П.Наранбаяр сайд арьсаа хамгаалсан зүйлийг л хэвлэл мэдээллийн хэрэгслээр ярьж байна. Асуудал гаргасан боловсролын сайдыг огцруулахыг мянга, мянган багш шаардаж байна. Багш нарын группт маш олон багш нар үүнийг шаардаж байна.

"Математикийн шалгалт өгсөн нийт хүүхдийн 52 хувь нь 500 оноотой буюу их, дээд сургуульд элсэх босгыг давсан"

Сайд П.Наранбаяр, Элсэлтийн шалгалттай холбоотой нэлээд хэл ам гарлаа Ялангуяа математикийн шалгалт дээр 1000 бодлогын номоос орж ирсэнгүй, хүндэдлээ гэсэн хэл ам гарлаа. Тиймээс бид Боловсролын үнэлгээний төвийнхнийг дуудаж, өгсөн бодлогуудыг харлаа.

Шалгалт ямар үр дүнд хүргэснийг тоо баримтаар хэлье. Математикийн шалгалтыг 2023 онд 100 хувийн гүйцэтгэлтэй өгсөн хүүхдийн тоо 26 хувь, 2024 онд 24.3 хувь, 2025 онд 20 хувь болсон байна. Энэ нь хэмжээст оноо буюу 800 оноонд шилжүүлэхэд дундаж болох 20 хувийн гүйцэтгэлтэй байхад 500 оноо авна. Тэгэхээр 490-ээс дээш оноотой хүүхэд их, дээд сургуульд элсэх эрхээ авна.

Л.Энх-Амгалан: Улс төрөө хүүхдүүдээс хол хий, боловсролын салбараас бүр хол очиж хий

Өмнөх сайд буюу Боловсролын сайд асан Л.Энх-Амгалан байр сууриа илэрхийлэв.

Тэрбээр "Өнөөдөр боловсролын сайд П.Наранбаярын хийсэн “Өмнөх сайдын үед хэрэгжүүлсэн төслийг үргэлжлүүлж 120 сургуульд санхүүжилт шилжүүлсэн нь үнэн” гэдэг гөлөг төөрүүлсэн мэдэгдэлд зориулж хэдэн үг хэлье.

Миний эхлүүлсэн боловсролын 6 шинэчлэлийг нураачихгүй аваад явчих байх, нэг кабинетийн сайд юм даа гэж аль болох дэмжиж, харж, хүлээж явлаа. Даанч дотроо хүлээж, хүсэж байсан итгэл талаар болж байна.

Цаашид П.Наранбаярын боловсролын 6 шинэчлэлийг хэрхэн нурааж байгаа талаар УИХ-ын чуулган, байнгын хорооны хуралд баримттай хэлэх болно.

Улс төрөө хүүхдүүдээс хол хий, боловсролын салбараас бүр хол очиж хий. Хүүхдүүдийн ирээдүйд, боловсролын шинэчлэлд ХҮН-ийрхүү бүү ханд гэж ХҮН-ий удирдлагуудад болон П.Наранбаярт хандаж хатуу хэлье" гэжээ.

Б.Шинэгэрэл: Улсын сургуулиудад гэгээ тусгасан цор ганц хөтөлбөрийг улстөржүүлсэнд харамсаж байна

Улсын их хурлын гишүүн Б.Бат-Эрдэнэ, П.Сайнзориг, Н.Батсүмбэрэл, Д.Бум-очир нар Боловсролын сайд П.Наранбаярыг огцруулах асуудлаар өчигдөр (2025.06.25) хэвлэлийн хурал хийсэн.

Тэд "Боловсролын сайд П.Наранбаяр 1,2 тэрбум төгрөгийг ЕБС-иудын менежментийн сайжруулах нэрээр сургууль бүрд 10 сая төгрөг хуваарилж, тараан байршуулжээ. Дараа нь тэдгээр 120 сургуулиас буцаагаад нэг байгууллага руу буюу "Сургуулийн судалгаа хөгжлийн Шинэ Монгол төв" ТББ руу төвлөрүүлсэн. Энэ бол ашиг сонирхлын, авлига, албан тушаалын зөрчил" гэсэн юм.

Иймд бид тус ТББ-ын тэргүүн Б.Шинэгэрэлээс хөтөлбөрийн санхүүжилт, үр дүнг тодруулав.

2598 сурагч олон улсад хүлээн зөвшөөрдөг шалгалтын дүнг ЭШ-ын дүнтэй дүйцүүлэх хүсэлт өгчээ

Олон улсад нийтлэг хүлээн зөвшөөрөгддөг шалгалтын дүн оноог ЭШ-ын дүн оноотой дүйцүүлэх хүсэлтийг 2598 суралцагч онлайнаар илгээсэн бөгөөд 1185 суралцагч SAT, 1012 суралцагч IELTS-ын шалгалтын дүн оноогоо дүйцүүлжээ.

SAT шалгалтыг 48.3 хувь нь дүйцүүлсэн бол 41.3 хувь нь IELTS шалгалтыг дүйцүүлсэн байна.

Элсэлтийн шалгалттай холбоотой гомдлыг энэ сарын 28-ныг хүртэл хүлээн авна

Энэ сарын 28-ныг хүртэл элсэлтийн шалгалттай холбоотой өргөдөл гомдлыг ШУТИС-ийн Т байрны 3 давхрын 307 тоотод хүлээн авна.

Өнгөрсөн долоо хоногт болсон шалгалтын дараа “Бал харандааны мөнгийг урьдчилж хураасан атлаа шалгалтын үеэр гардаггүй харандаа өгсөн” гэх мэдээлэл гарсан. Энэ талаар Боловсролын үнэлгээний төвийн захирал Г.Гантуяа “Танхим бүрд нөөц харандаа баллуур тавьсан. Бидэнд ийм гомдол ирээгүй” гэв.

“Тамгагүй төр” жүжгийн зохиол 12-р ангийн сургалтын хөтөлбөр, сурах бичигт орсон байдаг”

Элсэлтийн шалгалтын Монгол хэлний хичээлд “Тамгагүй төр” жүжгээс даалгавар ирсэн хэмээн улс төржүүлж, цахим орчимд шүүмжлэл өрнөж байна.

Энэ талаар нийслэлийн нэгэн дунд сургуулийн Монгол хэл, Уран зохиолын багшаас тодруулж асуухад, “Тамгагүй төр” жүжгээс элсэлтийн шалгалтад даалгавар ирж болох юм. Учир нь Бавуугийн Лхагвасүрэнгийн “Тамгагүй төр” жүжгийн зохиол 12-р ангийн сургалтын хөтөлбөр болон 2023 онд хэвлэгдсэн сурах бичигт орсон байдаг. Энэ утгаараа элсэлтийн шалгалтын асуулт болж, 2024 оны шалгалтад ч ирж байсан гэв.

ЭРҮҮЛ МЭНД:

Ж.Чинбүрэн: Улаанбурхан өвчний халдвар ковидоос ноцтой

Эрүүл мэндийн сайд Ж.Чинбүрэн, 1980-аад оноос дэлхий даяар улаанбурханы эсрэг вакцин хийж эхэлсэн. Ковид цар тахлын үед халдварын 1000 тохиолдолд хоёр хүн буюу 135 хүн эндэж байсан бол улаанбурханы 100 тохиолдолд 1-1.5 хүн эндэж байна. Тэгэхээр улаанбурхан өвчний халдвар ковидоос ноцтой гэдгийг батлах тоо баримт энэ. Манай улсад одоогийн байдлаар долоон хүн эндсэн.

"10-15 настнууд улаанбурханы вакцин хийлгэсэн ч дархлаа суларсан байгаа тул дахин хийлгэхэд буруудахгүй"

Эрүүл мэндийн сайд Ж.Чинбүрэн, "Баяр наадмаар олуулаа цуглахдаа ямар нэг айдасгүй байхын тулд эцэг, эхчүүд хүүхдүүдээ вакцинжуулаарай. 10-15 настай хүүхдүүд вакцин хийлгэсэн ч гэсэн дархлаа суларсан байгаа учир нөхөн вакцин дахин хийлгэхэд аюултай зүйл байхгүй.

Халдварын далд үе 10-15 хоног байдаг. Наадмын дараа 8-р сараас өвчлөлийн тоо дахин нэмэгдэх эрсдэлтэй. Тиймээс Засгийн газар Ерөнхий сайдын манлайлал дор Онцгой комиссын хурал хийж, хийх ажлуудаа төлөвлөсөн. ЭМЯ, харьяа эмнэлгүүд 7-р сарын 10-ныг хүртэл эрчимжүүлсэн бэлэн байдал зарлан вакцинжуулалтыг эрчимжүүлэх зорилго тавин ажиллаж байна" гэв.

"911 хүүхдээс дархлаажуулалтад хамрагдалгүй үлдсэн 18 нь улаанбурхнаар өвдсөн. Бусад нь эрүүл"

Бид дэнж хотойтол нааддаг уламжлалтай. Гэхдээ наана нь амжиж тус өвчний эсрэг дархлаа тогтоож авахгүй бол улаанбурхан өвчин бидний дархлаа тогтолцоо дээр наадах эрсдэлтэй байгаа юм.

"Өмнө зүгээр л улс хотлоороо наадаж болоод л байсан. Гэнэт сүржигнэж гэнэ" гэж хэлэх хүн цөөнгүй. Тийм ээ, мэдээж бид ямар ч асуудалгүй наадаж байсан. Учир нь өнгөрсөн жилүүдэд наадам болохын өмнө өнөөдрийнх шиг халдварт өвчний тархалтгүй байсан хэрэг.

Тодруулбал, он гарсаар улаанбурхнаар 10,065 хүн өвдөж, харамсалтайгаар 7 хүн нас барав. Харин эмнэлэгт 646 хүн, гэрээр 1014 хүн эмчлүүлж байна. Зарим үед хоногт 400 гаруй хүн улаанбурхнаар өвчилсөн тохиолдол ч бүртгэгдэж байна.

Монголд эмчлэгдэх боломжгүй хүүхдийн зүрхний мэс заслыг амжилттай хийлээ

Франц улсын Страсбургийн Их Сургуулийн Эмнэлгийн зүрхний мэс заслын баг Улсын гуравдугаар төв эмнэлэг (УГТЭ) болон Эх хүүхдийн эрүүл мэндийн үндэсний төв (ЭХЭМҮТ)-ийн зүрхний мэс заслын эмч нарын хамтарсан багтай ажиллаж өвчтөнүүдэд мэс заслын тусламж, үйлчилгээг үзүүллээ.

Зүрхний төрөлхийн хүнд хэлбэрийн олон гажиг хавсарсан, гадаад улсад эмчлэгдэх 6 хүүхдэд төгс засах мэс засал, гол судас болон хавхлагын эмгэгтэй 1 насанд хүрэгчид мэс засал хийгдсэн болно.

Энэ удаагийн хамтарсан мэс заслын онцлог нь гадаадын эмч нар зөвлөх болон хяналтын үүрэгтэйгээр оролцож, дотоодын мэс заслын баг бие даан мэс заслыг гүйцэтгэсэн юм.

Ж.Чинбүрэн: Вакцин хийлгээгүй хүүхэд ирэх намраас сургууль, цэцэрлэгт суухгүйг анхааруулж байна

Улаанбурхан халдварт өвчний дэгдэлт өндөр байгаа тул манай улс өндөржүүлсэн бэлэн байдалд шилжээнд буй. Цаг үеийн нөхцөл байдалтай холбогдуулан Эрүүл мэндийн сайд Ж.Чинбүрэн дараах мэдэгдлийг хийлээ. Тэрээр, "Үр хүүхдүүдээ вакцинд хамруулах ухамсар, хариуцлага дутсаны хор уршгийг өнөөдөр та бид үр хүүхдүүдийнхээ эрүүл мэнд, амь насаар амсаж байна.

Вакцинаа хийлгээгүй хүүхэд ирэх намраас цэцэрлэг, сургуульдаа суралцаж чадахгүй болно гэдгийг анхааруулъя" гэв.

СПОРТ:

Монголын эмэгтэй теннисчид түүхэн амжилт гаргалаа

Талбайн теннисний “Billie Jean King Cup 2025” эмэгтэйчүүдийн багийн дэлхийн аварга шалгаруулах Ази тивийн II группийн тэмцээн Малайз улсад болсон.

Тус тэмцээнд Монгол Улсын шигшээ баг амжилттай оролцож, Ази тивийн I группт дэвших эрхээ авснаар түүхэн амжилтын эзэд боллоо.

Монголын шигшээ баг БНХАУ-ын багийг хожиж шилдэг наймд шалгарлаа

3x3 сагсан бөмбөгийн ДАШТ Монгол Улсын нийслэл Улаанбаатар хотын төв Сүхбаатарын талбайд болж байна.

Монголын улсын эмэгтэй шигшээ баг хасагдах шатанд БНХАУ-ын шигшээ багтай учраа таарч тоглохоор болсон. Монголын шигшээ баг БНХАУ-ын шигшээ багийг 21:19 оноогоор хожлоо.

Ингэснээр Улаанбаатар хотод зохион байгуулагдаж буй “FIBA 3x3 World Cup 2025” тэмцээний шилдэг наймт шалгарлаа.

НИЙГЭМ:

"Наадмаар зөвхөн ААН-үүдэд хоол үйлдвэрлэл, үйлчилгээний зөвшөөрөл олгоно"

НЗДТГ-ын дарга Д.Амгалан "Үндэсний их баяр наадмын бэлтгэл ажлын зохион байгуулалтад бөх, морь, сур, шагай, соёл урлагийн гээд салбар есөн хороо ажиллаж байна. Тайз дэлгэцийн засвар үйлчилгээ хийж байна. Нийслэлээс Төв цэнгэлдэх хүрээлэнг өнгөрсөн онд нийслэлийн өмчид эргүүлэн авсны дараа 3 орчим тэрбум төгрөгийн хөрөнгө оруулалт, их засварыг хийсэн. Харин энэ жил урсгал засваруудыг хийж, зочид, төлөөлөгчид, наадамчдаа хүлээн авахад бэлэн болоод байна.

Өмнөх жилүүдэд Үндэсний их баяр наадмаа тэмдэглэхдээ Төв цэнгэлдэх хүрээлэн орчимд зах, худалдааны төв шиг болдог байсан. Энэ жилийн хувьд дэлхийд хосгүй, аялагч, жуулчдын сонирхон үздэг наадмаараа бид зөвхөн ААН-үүдэд хоол үйлдвэрлэл, үйлчилгээний зөвшөөрөл олгож, эмх цэгцтэй зохион байгуулахаар төлөвлөөд ажиллаж байна” гэлээ.

Ой хээрийн түймрээс 6 тэрбум төгрөгийн хохирол амсаад байна

Улсын хэмжээнд он гарсаар өнөөдрийн байдлаар 12 аймгийн 64 сум, нийслэлийн 3 дүүрэгт нийт 134 удаагийн ой, хээрийн гал түймэр бүртгэгдсэн нь өнгөрсөн оны мөн үетэй харьцуулахад 46.2 хувиар өссөн дүнтэй байна.

Дээрх ой, хээрийн гал түймэрт урьдчилсан байдлаар нийт 639 мянган га талбай, 5 байшин, 49 гэр, 5 автомашин, 7 мотоцикл, 125 малын хашаа, 5937 бог, 470 бод мал, 7980 боодол өвс, 80 шуудай тэжээл өртөж, 6 орчим тэрбум төгрөгийн хохирол учирсан.

Өнөөдөр /2025.06.27/ 11:00 цагийн байдлаар улсын хэмжээнд нийт 15 түймрийн дуудлагатай байгаагаас Хөвсгөл аймгийн Цагааннуур, Булган аймгийн Тэшиг, Сэлэнгэ аймгийн Хүдэр, Цагааннуур “Хоорондын ам”, Нингаа эх”, Алтанбулаг сумын “Гурван цагаан толгой”, “Орос даваа” гэх газруудад гарсан 7 ой, хээрийн гал түймрийг цурамд оруулжээ.

Архангай аймаг сүүлийн гурван жилд 48 янгир ямаа нутагшууллаа

Биологийн олон янз байдлыг хамгаалах, тархац нутаг, амьдрах орчныг нь тэтгэж хомсдолоос сэргийлэх, зориудаар өсгөн үржүүлэх зорилтыг хэрэгжүүлэх хүрээнд ховордсон амьтдыг түүхэн тархац нутагт нь сэргээн нутагшуулах, тоо толгойн өсөлтийг дэмжих арга хэмжээг хэрэгжүүлж, энэ талаар санаачилга гаргаж буй иргэд, хувийн хэвшлийн оролцоог бүхий л талаар дэмжин ажиллаж байна.

2023 онд 11 толгой
2024 онд 16 толгой
2025 онд 21 толгой нийт 48 толгой янгир ямааг Булган уулын бүс нутагт сэргээн нутагшуулаад байна.

ОНЦЛОХ КОНТЕНТ:

13:[["$","script",null,{"type":"application/ld+json","dangerouslySetInnerHTML":{"__html":"{\"@context\":\"https://schema.org\",\"@type\":\"NewsArticle\",\"headline\":\"ТОЙМ: Цүнх баригч дарга нарыг цөөлж, вакцингүй сурагчдыг хичээлд суулгахгүй болсон 7 хоног\",\"description\":\"Өнгөрч буй долоо хоногт өрнөсөн онцлох үйл явдлуудаас тоймлон хүргэж байна.\",\"image\":[\"https://mgl.gogo.mn/newsn/images/c/2025/06/332241-28062025-1751085567-1940930461-MixCollage-28-Jun-2025-12-38-PM-2461.jpg\"],\"datePublished\":\"2025-06-28T04:39:44.000Z\",\"dateModified\":\"2025-06-28T04:33:51.000Z\",\"author\":[{\"@type\":\"Person\",\"name\":\"Б.Азбаяр\",\"url\":\"https://gogo.mn/p/9477\"}],\"publisher\":{\"@type\":\"Organization\",\"name\":\"GoGo.mn\",\"url\":\"https://gogo.mn\",\"logo\":{\"@type\":\"ImageObject\",\"url\":\"https://gogo.mn/logo/gogo-logo.png\",\"width\":211,\"height\":69}},\"mainEntityOfPage\":{\"@type\":\"WebPage\",\"@id\":\"https://gogo.mn/r/gejj6d\"},\"inLanguage\":\"mn\"}"}}],["$","$L3c",null,{"lid":"gejj6d","initialData":{"id":332241,"title":"ТОЙМ: Цүнх баригч дарга нарыг цөөлж, вакцингүй сурагчдыг хичээлд суулгахгүй болсон 7 хоног","headLine":"Өнгөрч буй долоо хоногт өрнөсөн онцлох үйл явдлуудаас тоймлон хүргэж байна.","content":[{"contId":5231019,"newsId":332241,"youtubeid":null,"body":"$3d","daraalal":1,"createdDate":"2025-06-27T08:59:49.000Z","updatedDate":"2025-06-28T04:33:51.000Z","conttype":0,"title":"БӨМ","hasSlide":null,"isspecialtop":null,"hascontainer":1,"bagana":1,"margintop":null,"baganaTablet":1,"image":null,"imageNodomain":null,"providerId":9477,"shareText":null,"audiourl":null,"slideType":null,"notShowInShortRead":0,"pollId":null,"nwsContResources":[]}],"provider":{"id":9477,"name":"Б.Азбаяр","descr":null,"image":"https://mgl.gogo.mn/newsn/provider/9477-18082025-1755512584-1877075053.jpeg","categoryId":null,"active":0,"haruulah":0,"twitter":null,"facebook":null,"mail":null,"imageNodomain":"/provider/9477-18082025-1755512584-1877075053.jpeg","mergejil":"сэтгүүлч","web":null,"isTranslator":0,"imageMid":null,"imageMidNodomain":null,"bannerimg":"689ec43036e66_B_Azbayar.jpg","updatedDate":"2025-08-15T05:22:56.000Z","priority":null,"showInAboutUs":null,"workStartYear":null},"imageUrl":"https://mgl.gogo.mn/newsn/images/c/2025/06/332241-28062025-1751085567-1940930461-MixCollage-28-Jun-2025-12-38-PM-2461.jpg","welcomePicNodomain":"/images/c/2025/06/332241-28062025-1751085567-1940930461-MixCollage-28-Jun-2025-12-38-PM-2461.jpg","welcomePic":"https://mgl.gogo.mn/newsn/images/c/2025/06/332241-28062025-1751085567-1940930461-MixCollage-28-Jun-2025-12-38-PM-2461.jpg","welcomePicWidth":1600,"welcomePicHeight":1067,"lid":"gejj6d","publishDate":"2025-06-28T04:39:44.000Z","shareCount":0,"commentCount":11,"totalFavCount":24,"reactionIcon":"surprise","shuud":0,"newsType":{"newstypeId":8645,"newsTypeName":"Тойм","typeConst":null,"newsTypeDesc":null,"orderNum":null,"parentId":null,"engname":null,"menu":null,"showOnMenu":null,"type":null,"active":1},"viewedCount":3602,"showWelcomePic":1,"liked":24,"commentable":1,"hideBanner":false,"brief":0,"layout":null,"link":null,"newtab":false,"reactions":{"1":1,"3":1,"6":2},"welcomePicTxt":null,"company":{"id":41,"name":"GoGo.mn","imageUrl":"https://mgl.gogo.mn/newsn/company/41-06042023-1680763602-730195431-phpz9wYf1.svg","url":"http://gstat.mn/newsn/company/61-27032017-1490605781-1626085787-phpr9UGM6.jpeg","newtab":false},"partnerCompany":null,"newsWidgets":[],"navigation":{"id":7009,"name":"GOGO тойм","action":null,"orderNum":192,"newsTypeId":8645,"parentId":null,"publishDate":"2022-06-30T01:00:00.000Z","expireDate":null,"isspecial":0,"isNuurend":1,"isRedaktsDeer":0,"titleBgColor":null,"isthumblist":1,"image":null,"imageicon":null,"iszuvhunicon":0,"isspecialevent":0,"imagehome":null,"isFullimagelayout":null,"fulllayoutLeftUrl":null,"fulllayoutTopUrl":null,"fulllayoutRightUrl":null,"tabColor":null,"tabBgcolor":null,"tabSelcolor":null,"tabSelbgcolor":null,"fulllayoutBgimg":null,"fulllayoutMobileBgimg":null,"hidefrommenu":0,"layout":null,"shareimage":null,"shareimageNodomain":null,"nuurendBigthumb":0,"nuurendBg":null,"nuurendHidename":0,"isRedaktsDoor":0,"hiddenInMobile":0,"icon":"build/images/itoim.png","orderNumV2":192,"faIcon":null,"groupName":null,"highlight":0,"newsId":null,"showfromDate":"2024-05-21T16:01:00.000Z","showtoDate":"2019-07-29T10:18:00.000Z","metaKeywords":"1","navigationMainId":1,"typeCode":null,"description":null},"liveEndDate":null}}]] 16:null 1a:[["$","title","0",{"children":"ТОЙМ: Цүнх баригч дарга нарыг цөөлж, вакцингүй сурагчдыг хичээлд суулгахгүй болсон 7 хоног"}],["$","meta","1",{"name":"description","content":"Өнгөрч буй долоо хоногт өрнөсөн онцлох үйл явдлуудаас тоймлон хүргэж байна."}],["$","link","2",{"rel":"manifest","href":"/icons/site.webmanifest","crossOrigin":"$undefined"}],["$","meta","3",{"name":"og:logo","content":"https://gogo.mn/logo/gogo-logo.png"}],["$","link","4",{"rel":"canonical","href":"https://gogo.mn/r/gejj6d"}],["$","meta","5",{"property":"og:title","content":"ТОЙМ: Цүнх баригч дарга нарыг цөөлж, вакцингүй сурагчдыг хичээлд суулгахгүй болсон 7 хоног"}],["$","meta","6",{"property":"og:description","content":"Өнгөрч буй долоо хоногт өрнөсөн онцлох үйл явдлуудаас тоймлон хүргэж байна."}],["$","meta","7",{"property":"og:url","content":"https://gogo.mn/r/gejj6d"}],["$","meta","8",{"property":"og:site_name","content":"GoGo.mn"}],["$","meta","9",{"property":"og:locale","content":"mn_MN"}],["$","meta","10",{"property":"og:image","content":"https://mgl.gogo.mn/newsn/images/c/2025/06/332241-28062025-1751085567-1940930461-MixCollage-28-Jun-2025-12-38-PM-2461.jpg"}],["$","meta","11",{"property":"og:image:width","content":"1600"}],["$","meta","12",{"property":"og:image:height","content":"1067"}],["$","meta","13",{"property":"og:image:alt","content":"ТОЙМ: Цүнх баригч дарга нарыг цөөлж, вакцингүй сурагчдыг хичээлд суулгахгүй болсон 7 хоног"}],["$","meta","14",{"property":"og:type","content":"article"}],["$","meta","15",{"name":"twitter:card","content":"summary_large_image"}],["$","meta","16",{"name":"twitter:site","content":"@newsGoGomn"}],["$","meta","17",{"name":"twitter:title","content":"ТОЙМ: Цүнх баригч дарга нарыг цөөлж, вакцингүй сурагчдыг хичээлд суулгахгүй болсон 7 хоног"}],["$","meta","18",{"name":"twitter:description","content":"Өнгөрч буй долоо хоногт өрнөсөн онцлох үйл явдлуудаас тоймлон хүргэж байна."}],["$","meta","19",{"name":"twitter:image","content":"https://mgl.gogo.mn/newsn/images/c/2025/06/332241-28062025-1751085567-1940930461-MixCollage-28-Jun-2025-12-38-PM-2461.jpg"}],["$","link","20",{"rel":"icon","href":"/icons/favicon-16x16.png","sizes":"16x16","type":"image/png"}],["$","link","21",{"rel":"icon","href":"/icons/favicon-32x32.png","sizes":"32x32","type":"image/png"}],["$","link","22",{"rel":"icon","href":"/icons/favicon.ico"}],["$","link","23",{"rel":"apple-touch-icon","href":"/icons/apple-touch-icon.png","sizes":"180x180","type":"image/png"}],["$","link","24",{"rel":"android-chrome-192x192","href":"/icons/android-chrome-192x192.png"}],["$","link","25",{"rel":"android-chrome-512x512","href":"/icons/android-chrome-512x512.png"}],["$","$L3e","26",{}]]

ТОЙМ: Цүнх баригч дарга нарыг цөөлж, вакцингүй сурагчдыг хичээлд суулгахгүй болсон 7 хоног

Энэ мэдээ танд ямар мэдрэмж төрүүлж байна?

Сэтгэгдэл