2025-2026 оны хичээлийн шинэ жил эхэлж буйтай холбогдуулан түгжрэлийг сааруулах зорилгоор автомашиныг улсын дугаарын тэгш, сондгой тоогоор хязгаарлаж хөдөлгөөнд оролцуулах шийдвэр гарсан.

Энэ дагуу наймдугаар сарын 27-ноос есдүгээр сарын 16-ны хооронд тээврийн хэрэгслийн хөдөлгөөнийг хязгаарлаж буй юм. Өнөөдөр тэгш тоогоор төгссөн дугаартай автомашинаар хөдөлгөөнд оролцоно. Харин маргааш сондгой тоогоор төгссөн улсын дугаартай автомашинаар зорчих боломжтой.  

Тээврийн хэрэгслийн дугаарын хязгаарлалт нь 08:00-20:00 цагийн хооронд үргэлжилнэ. Хязгаарлалтын бүс байхгүй бөгөөд цагдаагийн албан хаагчид зохицуулалт хийж ажиллана. 

СОНДГОЙ тоогоор төгссөн бол : Наймдугаар сарын 27,29,31-нд, Есдүгээр сарын 3,5,7,9,11,13,15-нд

ТЭГШ тоогоор төгссөн бол: Наймдугаар сарын 28,30-нд, Есдүгээр сарын 2,4,6,8,10,12,14,16-нд замын хөдөлгөөнд оролцоно.