Өвөлжилтийн бэлтгэл, арга хэмжээний явцтай танилцах өргөтгөсөн хуралдаан өнөөдөр боллоо. 

Энэ үеэр, хүйтний улиралд өвчлөлөөс урьдчилан сэргийлэх, эмнэлгийн тусламж үйлчилгээний хүртээмжийг нэмэгдүүлэх чиглэлээр ямар арга хэмжээ авч ажиллах тараах ЭМЯ-ны Төрийн нарийн бичгийн дарга Д.Очирбат танилцууллаа.

Тэрээр, "Авч хэрэгжүүлсэн болон цаашид хийхээр төлөвлөж буй ажлуудаа танилцуулъя. 

Эмнэлгийн тусламж үйлчилгээний бэлэн байдал:
Наймдугаар сарын 15-ны байдлаар зуншлага тааруу, гандуу байдалтай байна. Увс, Баян-Өлгий, Ховд, Дархан-Уулын ихэнх сумд, мөн Завхан, Говь-Алтай, Баянхонгор, Төв, Сэлэнгийн олон сумд өвөлжилт хүндэрч эрсдэл үүсэх магадлалтай гэж Онцгой комисс мэдээлсэн.

Үүнтэй холбогдуулаад жирэмсэн эхчүүд, 0-5 насны хүүхэд, өндөр настан, хөгжлийн бэрхшээлтэй, архаг өвчтэй иргэдийн судалгааг гаргаж, отор нүүдэл хийж буй өрх, иргэдийн судалгааг гарган, бүх шатны анхан шатны ЭМБ-д албан даалгавар хүргүүлсэн. 

Халдварт өвчин, улаан бурхан: 
Өнгөрсөн сард улаан бурханы өвчлөл хүндэрсэн. ХӨСҮТ-д өдөртөө 880 шинэ тохиолдол бүртгэгдэж, 15-25 хүн сэхээн амьдруулах тасагт хэвтсэн. 

Засгийн газрын хуралдаанаар олон асуудлыг шийдвэрлэж, өндөржүүлсэн бэлэн байдлын үр дүнд өнөөдрийн байдлаар 24 цагийн дотор 3-5 тохиолдол бүртгэгдэж байна. Одоогоор хүнд өвчтөн байхгүй.

0-15 насны хүүхдийн нөхөн дархлаажуулалт наймдугаар сарын 12-ны байдлаар 55 хувьтай байна. Вакцины нөөц нийт 115,200 хүний тун (голомтын дархлаажуулалт), 113,915 хүний тун (товлолт), 22,830 хүний тун (6–8 сартай хүүхэд) бий.

Засгийн газрын шийдвэрээр 10-15 насныханд нэмэлт дархлаажуулалт хийхээр 420 мянган тун захиалж, талаас илүү хувийг нь хийж эхэлсэн.

Томуугийн улирал, вакцин:
Хичээл сургууль эхлэх, хүйтний улирал эхлэхтэй холбоотойгоор өвчлөл нэмэгдэх эрсдэлтэй байна.  ДЭМБ-ын зөвлөсөн дөрвөн хэв шинжийг багтаасан томуугийн 300 мянган тун вакциныг бэлтгэсэн. Эхний 135 мянган тунг ирэх 7 хоногоос татан авч хадгална. Үлдсэнийг нь есдүгээр сарын эхээр татна.

Энэ жил улаан бурхан, томуугийн өвчлөлийг хооронд нь хольж хүндрүүлэхгүй байх, анхан шатны эмнэлгүүдийн зохион байгуулалтыг сайжруулж байна.

Нөөц, автомашин, тоног төхөөрөмж: 
2023-2025 онд нийт 227 түргэн тусламжийн автомашиныг ЗГ, Онцгой комисс, гаднын дэмжлэгээр нийлүүлсэн. Өнөөдрийн байдлаар дээр дурдсан аймгуудад 108 автомашины нэмэлт хэрэгцээ бий. 

Эм, эмнэлгийн хэрэгслийн нөөц 1-2 сарын хүрэлцээтэй байна. Отор хийж буй өрх, малчдад зориулж эмийн багц бэлтгэж хүргүүлэхээр ажиллаж байна.

• Алслагдсан сумдын ЭМТ-д мобайл технологи, хиймэл оюун суурьтай тоног төхөөрөмжөөр хангах хэрэгцээ их байна.
• Түргэн тусламжийн 103 автомашины нэмэлт хэрэгцээ гарсан.

5. Санхүүгийн байдал
ЭМД-ын сан эмнэлгүүддээ 129 тэрбум төгрөгийн өртэй. Эмнэлгүүд өөрсдөө нийлбэрээр 200 гаруй тэрбумын өртэй. Оны эцэст Эрүүл мэндийн даатгалын сангийн орлого нь зардлаа нөхөж чадахгүйгээс болж эмнэлгийн байгууллагуудад төлөх төлбөрийн зөрүү хуримтлагдан, урьдчилсан тооцоогоор 279 тэрбум төгрөгийн өр үүсэхээр байна.

Энэ асуудлыг 2026 оны төсөв дээр нэмэлтээр тусгахаар санал хүргүүлсэн.

Үүнээс гадна, СЭМҮТ-ийн халаалтын зуух нүүрсээр ажилладаг ганц төв үлдсэн. НЗД-ын шийдвэрийн дагуу нүүрс хэрэглэхийг хориглосон тул энэ төвийн халаалт хүндрэлтэй болсон. Газ болон бусад эх үүсвэрээр шийдэхэд өндөр өртөгтэй тул холбогдох байгууллагад тавьсан.

Малчдын отор нүүдэлтэй холбоотойгоор жирэмсэн эх, 0-5 насны хүүхэд, суурь өвчтэй иргэдийн судалгааг гаргаж, ЭМД-д хамруулах ажлыг орон нутгийн удирдлагуудтай хамтарч хийж байна.

Мөн галлагаанаас үүдэлтэй угаарын хордлогоос урьдчилан сэргийлэх зөвлөмжийг аймаг, сум, хороо, багуудад хүргүүлж байна" гэлээ. 

ШУУД ҮЗЭХ: