ХЗДХ-ийн сайд Б.Энхбаяр сэтгүүлчдэд өнөөдөр (2025.11.12) мэдээлэл хийв.

Тэрбээр “Прокурорын байгууллагаас УИХ-ын дарга асан Д.Амарбаясгаланд холбогдох гэмт хэргийн шинжтэй асуудалд гурван зүйл ангиар яллах дүгнэлт үйлдэж, яллагдагчаар татсан. Д.Амарбаясгалан яллах тогтоолтойгоо танилцан, гарын үсэг зурсан гэх мэдээлэл авсан.

Миний бие 2025 оны есдүгээр сард НТВ телевизийн “Лхагвын тойм” нэвтрүүлэгт оролцох үеэрээ Л.Оюун-Эрдэнэ, түүний ах Б.Баатар болон Д.Амарбаясгалан нартай холбогдох тодорхой асуудлын талаар мэдээлсэн.

Тухайлбал, “Эрдэнэс тавантолгой” ХК-ийн гүйцэтгэх захирлаар ажиллаж Б.Ганхуяг УИХ-ын дарга асан Д.Амарбаясгалан руу нэр андуурч зурвас бичиж байсан бөгөөд гэрчийг хамгаалалтад авах тухай асуудлыг ярьсан.

Энэ нотлох баримт мөрдөн шалгах ажиллагааны хавтаст хэрэгт байхгүй, хэрэгт авагдаагүй. Энэ баримтыг би хууль хяналтын байгууллагад нотлох баримтын бүрдэл хангаж, хүлээлгэн өгнө.

“..." дугаартай “Эрдэнэс тавантолгой” ХК-ийн гүйцэтгэх захирал Б.Ганхуягийн андуурч бичсэн зурваст “Одоо чиний барьц хүчээ хадгалж үлдэнэ. Над руу энэ компанийг сүйрүүлэхгүйгээр захиалгат аллага илгээж байгааг би чамд олон хэлсэн. Чи үл тоосон. Энэ томилгоог алдвал “Эрдэнэс тавантолгой” ХК-ийн 50 хувийг алдсан гэсэн үг. Миний найз би чиний төлөө за гэж хэлээд ёогүй зүтгэж байгаа. Хэлсэн үг бүрийг чинь тушаал гэж хүлээн авч бахархалтайгаар биелүүлснийг бүгд мэднэ.

Манай сайд нөгөө охин компанийн асуудлаа өнөөдөр дахин оруулж байна. Хүчээр оруулсан байна гэнэ. Та анхаарал хандуулаач, тэгэх үү” гэжээ.

2019 оны зургаадугаар сарын 19-ний өдөр. Манай сайд нөгөө охин компанийн асуудлаа өнөөдөр дахин оруулж байна. Хүчээр оруулсан байна гэнэ. Та анхаарал хандуулаач, тэгэх үү” гэжээ. Юуны тухай вэ гэхээр, энэ өдөр Засгийн газрын тогтоол гарсан. Энэ тогтоолоор “Эрдэнэс тавантолгой” ХК-ийн охин компаниуд байгуулж олон улсын хөрөнгийн зах зээлд IPO хийх шийдвэрийг гаргажээ.

2019 оны долоодугаар сарын 30-ний өдөр “Эрдэнэс тавантолгой” ХК-ийн ТУЗ-ийн тогтоолоор “Эрдэнэс Тавантолгой Майнинг” охин компани байгуулсан. Тэгэхээр тэр зурвасаар энэ компанийн тухай ярьжээ.

Ингээд “Эрдэнэс тавантолгой” ХК-ийн эзэмшлийн тусгай зөвшөөрлүүдээс Цанхийн Зүүн болон Бортээг өмнөд хэсгийг хамрах “MV-011943” ашиглалтын тусгай зөвшөөрлийг “Эрдэнэс тавантолгой Майнинг” ХХК-д шилжүүлсэн байна. Өнөөдрийн хэрүүлийн алим болоод байгаа Бортээгийн ашиглалтын лиценз.

2020 оны дөрөвдүгээр сарын 27. Засгийн газрын тогтоолоор дээрх охин компанийг байгуулсан шийдвэрийг хүчингүй болгосон. Тавдугаар сард нь “Эрдэнэс тавантолгой” ХК-ийн ТУЗ-ийн хурлаар Бортээгийн лицензийг шилжүүлсэн байсан охин компанийг татан буулгасан. Хэн буулгасан байх вэ, хэний ашиг сонирхлыг хөндөв?

 Тиймээс дээрх зурвас бол Бортээгийг хэн авах вэ гэдэг тухай агуулгатай байгаа юм” гэв.