Америкийн тэрбумтан, бизнес эрхлэгч Илон Маск Газын зурвасыг сэргээн босгоход туслах хүсэлтэй байгаагаа мэдэгджээ. Тэрбээр эдгээр өдрүүдэд Израил улсад айлчилсан юм. Энэ үеэр Илан Маск Израилын ерөнхий сайд Биньямин Нетаньяхутай уулзахаас гадна өнгөрсөн аравдугаар сарын 7-нд Хамас бүлэглэлийн халдлагад өртсөн Газын зурвастай хиллэдэг Кфар Аза сууринд зочилсон байна.

"Тель-Авив Хамас бүлэглэлийг ялсны дараа энх тайвныг тогтоож, Газын зурвасыг сэргээж, хөгжлийн төслүүдийг бий болгох боломжтой болно" гэж дээрх уулзалтын үеэр Израилын Засгийн газрын тэргүүн хэлсэн байна. Харин Илон Маск Израилын ерөнхий сайдтай санал нэгдэж буйгаа илэрхийлж, мөн Х нийгмийн сүлжээн дэх салан тусгаарлах, шашны хэт үзлийг саармагжуулж, ирээдүйд алуурчин болоход бэлтгэж буй суртал ухуулгыг зогсоож, улмаар Газын зурвасыг цэцэглүүлэн хөгжүүлэх хэрэгтэй. Үүнийг ажил хэрэг болгоход баяртайгаар оролцох болно гэжээ.

Мөн айлчлалын үеэр талууд SpaceX компанийн компанийн хиймэл дагуулын интернэт үйлчилгээ болох Starlink-ийг нэвтрүүлэх талаар тохиролцоонд хүрсэн байна. Израилын тал цэргийн ажиллагаагаа эрчимжүүлсний улмаас Газын зурваст интернэтийн сүлжээ тасалдсаны дараа Илон Маск Starlink-ийг тус зурвас дахь тусламжийн байгууллагуудад нэвтрүүлэхийг санал болгож байсан юм.

Эх сурвалж: ТАСС