Боксчин Э.Цэндбаатар, Холимог тулаанч З.Шинэчагтга нарын тулаан өнөөдөр /2022.09.09/ Бөхийн өргөөнд болж Э.Цэндбаатар яллаа.

Холимог тулаанч З.Шинэчагтага, гавьяат тамирчин Э.Цэндбаатар нар тус бүрээсээ 300 сая төгрөг гаргаж, нийт 600 сая төгрөгийн бооцоотой мэргэжлийн боксын халз тулааныг 70 килограммын жинд хийхээр зургаадугаар сард зарлаад байв.

Тамирчид өчигдөр жингээ үзсэн бөгөөд өнөөдөр ийнхүү дэмжигч, сонирхогчдыг удтал хүлээлгэсэн тулаанаа хийлээ.

Түүнчлэн дээрх хоёр тулаанчаас гадна өнөөдөр:

• Мэргэжлийн боксын төрлөөр тамирчин Э.Сүхбат болон Э.Баярсайхан 57.5 кг-ын жинд,
• Холимог тулааны төрлөөр Г.Сайханбилэг болон Ц.Отгонбаяр нар 61 кг-ын жинд нар тус тус өрсөлдлөө.