Гадаадын иргэн, харьяатын газар өнгөрөгч нэгдүгээр сард гадаадын 1724 иргэнд визийн зөвшөөрөл, 674 иргэнд виз, цахим визийн evisa.mn системээр 24 улсын 2755 иргэнд цахим виз олгожээ.

Мөн эрх бүхий байгууллагын зөвшөөрлийг үндэслэн гадаадын 1217 иргэнд Монгол Улсад оршин суух зөвшөөрөл олгож, 3909 иргэний оршин суух зөвшөөрлийн хугацааг сунган, 2029 иргэний бүртгэлийг хасав.

Төлөвлөгөөт 4, төлөвлөгөөт бус 12 удаагийн хяналт шалгалт зохион байгуулж, 43 аж ахуйн нэгж, байгууллага, 651 гадаадын иргэний паспорт, түүнийг орлох баримт бичгийг шалгаж, нийт 18 зөрчлийг илрүүлж холбогдох арга хэмжээг авлаа. Мөн зөрчил гаргасан 1767 гадаадын иргэнд Зөрчлийн тухай хуулийн дагуу торгох шийтгэл оногдуулж, 1 аж ахуйн нэгжид албан шаардлага хүргүүлсэн байна.

Түүнчлэн оршин суух зөвшөөрлийн хугацаа нь дууссан боловч Монгол Улсаас гарч явахаас зайлсхийсэн, түр ирэгч нь виз, бүртгэлийн журмыг хоёр буюу түүнээс дээш удаа зөрчиж хуульд заасан хариуцлага хүлээсэн, түр ирэгч визийн хугацааг хэтрүүлсэн зэрэг үндэслэлээр 8 улсын 121 иргэнийг албадан гаргалаа.

2025 оны нэгдүгээр сарын байдлаар Монгол Улсад албан болон хувийн хэргээр оршин суух бүртгэлтэй 31092 гадаадын иргэн байна. Үүнээс хөдөлмөр эрхлэгч 12852, хөрөнгө оруулагч 3816, гэр бүлийн болон хувийн бусад зорилгоор 4812, цагаач 1828, шашны зорилгоор 116, албан хэргээр 639 гадаадын иргэн байна

Эх сурвалж: Гадаадын иргэн харьяатын газар