Сонгинохайрхан дүүргийн Спорт цогцолборын иж бүрэн засвар дуусаж, өчигдөр нээжээ.

Тус спорт цогцолбор нь спортын 18 төрлөөр сургалт явуулах хүчин чадалтай бөгөөд үндсэн заал, жүдо, чөлөөт бөх, бокс, фитнесийн танхим зэрэг орчин үеийн тоноглолоор шинэчлэгдсэн аж.

Энэхүү шинэчлэл нь өсвөрийн тамирчид ая тухтай орчинд бэлтгэл сургуулилтаа хийх боломжийг бүрдүүлж, нийтийн биеийн тамирыг хөгжүүлэхэд чухал хувь нэмэр оруулахаас гадна дүүргийн иргэдийн чөлөөт цагаа зөв боловсон өнгөрөөх, дасгал хөдөлгөөн хийх орчныг сайжруулж байгаагаараа онцлог гэв.

Эх сурвалж: Биеийн тамир, спортын улсын хороо