Дэлхий даяар технологийн хөгжил, тэр дундаа  хиймэл оюун ухааны хэрэглээ хурдацтай нэмэгдэж, өрхийн өдөр тутмын амьдралд ухаалаг шийдлүүд нэвтэрч байна.

Энэ чиг хандлагад нийцүүлэн Мобиком групп айл өрхүүдэд зориулсан цоо шинэ үйлчилгээ “Mobihome”-ийг танилцууллаа. Тэд телевиз, интернэт, суурин утас л санал болгодог өрхийн үйлчилгээний уламжлалт ойлголтыг шинэчлэн тодорхойлжээ. Энэ талаар Мобиком группийн бизнес хариуцсан дэд захирал Б.Мөнхзоригтой ярилцлаа.

-“Mobihome” гэж юу вэ? Энэ санаа хэрхэн төрсөн бэ?
-Монгол айл, өрхүүд интернэттэй болоод хорь гаруй жил өнгөрчээ. Эхэндээ суурин утасны шугамаар (dial-up) холбогддог байсан. Харин 2000-аад оны дунд үеэс интернэтийн өндөр хурдтай сүлжээ нэвтэрч, 2010 оноос интернэтэд суурилсан телевизийн IPTV зэрэг дижитал үйлчилгээ хөгжиж хэрэглэгчид контентоо ухрааж, нөхөж үзэх боломжтой болсон.

Тухайлбал, Монголд өндөр хурдны өрхийн интернэт үйлчилгээ нэвтрүүлсэн анхдагч компаниудын нэг нь манай “Мобинет” ХХК. Бид 2009 онд өрхийн интернэтийн үйлчилгээг нэвтрүүлсэн бол, 2020 онд IPTV-н дараа үе болох интернэтэд суурилсан телевиз, контент, видео стриймингийн VOO үйлчилгээг зах зээлд нэвтрүүлсэн.

Улмаар өнөөдөр интернэт, телевизийг л “өрхийн үйлчилгээ” гэдэг хэвшмэл ойлголт тогтчихсон байна. Гэтэл цаг үе өөрчлөгдөж, дэлхий даяар технологи хурдтай хөгжиж, хиймэл оюун ухаанд суурилсан шинэ хэрэглээ бий болж эхэллээ. Тиймээс бид өрхийн үйлчилгээг дахин шинэчлэн тодорхойлох цаг ирсэн гэж үзсэн. Ингээд бид өрх бүрийн хэв маягт тохирсон цогц шийдэл болох “Mobihome”-г нэвтрүүллээ.

-Өрхийн интернэт хэрэглэгчдэд ямар нийтлэг асуудал тулгардаг вэ?
-Бид тогтмол хэрэглэгчдийн судалгаа хийдэг. Хэрэглэгчдэд интернэт удаан, дата дуусдаг, сүлжээний сонголт хязгаарлагдмал зэрэг асуудал нийтлэг тулгарч байна.  “Mobihome” эдгээр асуудлыг бүрэн шийднэ.

-“Mobihome” эдгээр асуудлыг хэрхэн шийдэж байна вэ?
-Бид хэрэглэгчдэд дараах боломжуудыг олгож байна.

•   Өндөр хурдтай, дата хязгааргүй интернэт (зөвхөн шилэн кабелиар)
•   4G, 5G  Starlink төхөөрөмжийг шилэн кабель холбогдоогүй аль ч байршлаас ашиглах
•   Өөрийн хэрэгцээнд тохируулан контент болон ТВ сувгаа сонгон ашиглах
•   Гэрийн ухаалаг төхөөрөмжүүдийг алсаас удирдах
•   Хүүхдүүддээ бооцоот тоглоом болон бусад зохисгүй контентоос хамгаалах
• Эдгээр бүх боломжуудаас өөрийн ашиглах үйлчилгээнүүдээ багцлаад 3–28 хувь хүртэл хөнгөлөлт хэрэглэх боломжтой

Хөдөө, орон нутгийн айл өрхүүд ч ашиглах боломжтой. Интернэт болон ТВ төхөөрөмжөө зөөж авах шаардлагагүй, гэрээсээ болон гадаадаас, хаанаас ч Монголын сувгийг шууд үзэж болно.

-Ирээдүйд “Mobihome”-ийг хэрхэн хөгжүүлэх төлөвлөж байгаа вэ?
-Технологийг хэрэглэгчийн хэрэгцээ, туршлага дээр үндэслэн хөгжүүлэхийг зорьж байна. “Mobihome”-ийн хэрэглэгчдийн өрхийн өдөр тутмын амьдрал тун удахгүй илүү амар, аюулгүй, ухаалаг болно. Интернэт, ТВ-ээс гадна гэрийн бүх ухаалаг төхөөрөмжийг нэг цэгээс удирдах боломжтой шинэ жишгийг тогтоохоор ажиллаж байна.

Бид HomeTech буюу "гэрийн технологи"-ийн шийдлийг хэрэглэгчид санал болгож буйгаар онцлогтой. Үндсэндээ хиймэл оюун ухаанд суурилсан хэрэглээг айл өрх бүрийн өдөр тутмын бодит хэрэглээ болгохыг зорьж байна.

Жишээ нь, айлд хүн ирээд хаалга тогшиход гэрийн эзэд зурагтынхаа дэлгэц дээр хэн болохыг хараад, зайнаас онгойлгож өгч болно гэсэн үг. Энэ мэтчилэн мэдрэгч суурилуулснаар цахилгаан хэрэгсэл, хаалга цоож гээд бүгдийг нэг апликейшнаас удирдах боломжтой. Өөрөөр хэлбэл, гэрийн төхөөрөмжүүд (гэрэл, халаалт, агааржуулалт, хаалга, камер, телевизор, хөгжим гэх мэт)-ийн мэдрэгчийг “Mobihome” дэмждэг байх юм.

Хэрэглэгч та ЭНД дарж Mobihome захиалга өгөөрэй. Ямар ч төлбөргүйгээр гэрт тань суурилуулна.