Өвөлжилтийн бэлтгэл ажилтай танилцах өргөтгөсөн хурлын үеэр /2025.08.18/ хичээл сургууль эхлэхтэй холбоотойгоор авто замын хөдөлгөөний зохицуулалт хийхээр төлөвлөснийг танилцуулсан юм. 

Тодруулбал, Нийслэлийн авто замын түгжрэл бууруулах төслүүдийн зохицуулагч Д.Бадарсан хэлэхдээ "Долоо хоногийн хугацаанд 2542 хүнээс гурван долоо хоногийн турш автомашины улсын дугаарын тэгш, сондгойгоор явуулах санал асуулга авахад 63 хувь нь дэмжсэн. 

Наймдугаар сарын 25-ны даваа гарагаас эхлэн есдүгээр сарын 14-ний ням гараг хүртэл автомашинууд улсын дугаарын тэгш, сондгойгоор хөдөлгөөнд оролцоно.

Харин хичээлийн шинэ жил буюу есдүгээр сарын 1-ний өдөр бүх автомашин хөдөлгөөнд оролцохоор зохицуулсан" гэсэн юм. 

Тэгвэл өнөөдрөөс /2025.08.21/ эхлэн ажлын өдрүүдэд улсын дугаарын тэгш болон сондгойгоор ангилан бүсчлэл харгалзахгүйгээр хөдөлгөөнд оролцуулах эсэх тухай цахим саналыг иргэдээс авч эхлэв. 

Энэ талаар ЗХУТ-ийн Хөдөлгөөн, зохицуулалт удирдлагын хэлтсийн дарга Н.Намуугаас тодруулахад, "Энэ сарын 24-ний 00:00 цаг хүртэл иргэдийн саналыг авна. Нийт санал өгсөн иргэдийн хэдэн хувь нь дэмжсэн эсэхийг харгалзан автомашины улсын дугаарыг тэгш, сондгойгоор явуулах эсэхийг шийдэж, хэвлэлийн бага хурлаар мэдээлэл өгнө гэв. 

Санал асуулгад ЭНД дарж оролцоно уу.