УИХ-ын чуулганы өнөөдрийн хуралдаан эхэллээ. Өнөөдрийн хуралдаанаар дараах асуудлыг хэлэлцэнэ. Үүнд: 

• Монгол Улсын 2026 оны төсвийн тухай хуулийн төслийн хамт өргөн мэдүүлсэн хууль, тогтоолын төслүүд /Засгийн газар 2025.09.01-ний өдөр өргөн мэдүүлсэн, эцсийн хэлэлцүүлэг, асуулт, хариулт 60 минут/
• Монгол Улсын 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуульд өөрчлөлт оруулах тухай хуулийн төсөл /Засгийн газар 2025.09.01-ний өдөр өргөн мэдүүлсэн, дөрөв дэх хэлэлцүүлэг/
• Монгол Улсын 2026 оны төсвийн тухай, Үндэсний баялгийн сангийн 2026 оны төсвийн тухай, Нийгмийн даатгалын сангийн 2026 оны төсвийн тухай, Эрүүл мэндийн даатгалын сангийн 2026 оны төсвийн тухай хуулийн төслүүд /Засгийн газар 2025.09.01-ний өдөр өргөн мэдүүлсэн, тав дахь хэлэлцүүлэг/

УИХ-ын гишүүн Б.Жаргалан:

Нийслэл Улаанбаатар хотод тулгамдаад байгаа асуудлыг шийдвэрлэх зорилгоор 275 тэрбум төгрөг хүртэлх нийслэлийн дотоодын үнэт цаас гаргана гэнэ. Улаанбаатар хот, нийслэл бол сүүлийн 2 жилд мөнгөөр туйлж байгаа. Хэдэн их наядаар зам барина, нэг км замыг хэчнээн тэрбумаар барина гээд сууж байгаа газар. Сүүлдээ БНХАУ-аас хагас коксжих түлш 200 гаруй тэрбумаар импортлоод сууж байгаа. Гэтэл дахиад 275 тэрбумын бонд гаргах хэрэгтэй юу.

Энэ хаанаас, яагаад ороод ирсэн юм бэ?. Улаанбаатар хот мөнгөөр туйлаад, юу болж байгаа нь мэдэгдэхгүй байна шүү дээ. Үүнд хэн хариулах юм бэ. Ийм асуудал орж ирж байхад бид зүгээр л кнопдоод сууж байх уу?