Интерполын хөх булант зар мэдээгээр олон улсад эрэн сурвалжилж байсан Б-г Турк улсаас Монголд албадан авчрах тусгай ажиллагааг энэ оны нэгдүгээр сарын 16-ны өдөр зохион байгуулав. 

Уг этгээд нь бага насны хүүхэд хүчирхийлсэн гэх хэрэгт шалгагдаж байхдаа 2017 онд оргон зайлжээ. Турк улсын хууль сахиулах байгууллагатай хамтран хэрэгжүүлсэн ажиллагааны үед байршлыг нь тогтоосон байна. 

Цагдаагийн байгууллагаас эмт хэрэг үйлдээд гадаад улсад оргон зайлсан этгээдүүдийг олон улсын хэмжээнд эрэн сурвалжлан баривчлуулах, улмаар шилжүүлэн авах, тухайн улсаас албадан гаргуулах ажиллагааг идэвхтэй зохион байгуулж байгаа.

Иймд гадаад улсад оргон зайлсан, эрэн сурвалжлагдаж байгаа иргэдийг сайн дураараа Монгол Улсад ирж цагдаа, хууль сахиулахын байгууллагатай хамтран ажиллахыг анхааруулж байна. 

Эх сурвалж: ЦЕГ