Ардчилсан намын Үндэсний бодлогын хорооны гишүүн, Үндсэн дүрмийн хорооны гишүүд мэдээлэл хийлээ.

Тэд “Хөрөнгө оруулалтын тухай хуультай холбоотойгоор Ардчилсан намын байр суурийг олон хүн илэрхийлж байна. Уг нь Ардчилсан нам гадаадын хөрөнгө оруулалтыг дэмжинэ л гэдэг шүү дээ. Гэтэл хувийн ашиг сонирхлоо ил гаргаад хувийн эрх ашгийн үүднээс хандаад эсэргүүцээд байна. Ардчилсан намын өдөр тутмын үйл ажиллагааг улстөрийн зөвлөл авч явдаг. Энэ зөвлөл Хөрөнгө оруулалтын тухай хуультай холбоотой дотоод хэлэлцүүлэг огт хийгээгүй байхад зарим нь хэсэг бүлгийн нөлөөнд ороод намынхаа үнэт зүйлийн эсрэг юм яриад явах юм.

Нийт гишүүддээ хандан уриалга хэлье. Монголд өнөөдөр мөнгөтэй хүн алга. Мөнгийг гадаадаас хөрөнгө оруулалт татаж, гаднын банкнууд орж ирж байж олно. Хөрөнгө оруулалт шиг хэрэгтэй юм энэ улс оронд алга.

Гэтэл үүнийг Ардчилсан намынхан яагаад эсэргүүцэж байгааг гайхаж байна. Тэр тусмаа намын дарга Л.Гантөмөр эсэргүүцэж байгааг ойлгохгүй байна. Тэр сонгогдоод яг нэг жил боллоо. Энэ хугацаанд юу ч хийгээгүй хэр нь бүх монголчуудын нийтлэг эрх ашигт хэрэгтэй хуулийг эсэргүүцээд байна. Л.Гантөмөр, Х.Баттулга гэдэг хүмүүс одоо боль.

Аз болж УИХ дахь Ардчилсан намын бүлэг гурав хоногийн завсарлага авлаа. Бүлгийн шийдвэр ирэх даваа гарагт гарна, дэмжих байх гэж бодож байна" гэж байр сууриа илэрхийллээ.