Вагнерын цэргийн хувийн компанийн үүсгэн байгуулагч Евгений Пригожин онгоцны ослоор нас барсан тухай CNN мэдээлжээ.

Онгоц Москвагаас баруун хойд зүгт орших Тверь мужид лхагва гаригт осолдсон. Пригожинийн нисэх онгоцонд Эмбраер-135 (EBM-135BJ) долоон зорчигч, нисэх багийн гурван гишүүн явсан бөгөөд Москвагаас Санкт-Петербург руу нисэж байсан гэж Оросын Росавиациа агаарын тээврийн газраас мэдээллээ.

Хөлсний цэргийн бүлгийг 2014 онд үүсгэн байгуулсан Вагнерын ахлах командлагч Дмитрий Уткин ч мөн зорчигчдын жагсаалтад багтсан гэжээ. Онгоцонд зорчиж явсан 10 хүний цогцсыг бүгдийг нь гаргаж авсан гэж Оросын төрийн мэдлийн Интерфакс агентлаг мэдээлжээ.

Осол болсон газрын ойр орчмын оршин суугчид ослын өмнө хоёр удаа хүчтэй дуу чимээ гарахыг сонссон гэв. ТАСС агентлагийн мэдээлснээр онгоц газар мөргөн унаж, шатсан байна.

АНУ-ын Ерөнхийлөгч Жо Байден Пригожин нас барсан байж болзошгүй гэсэн мэдээнд "Гайхсангүй" гэжээ. Пригожин "Оросоос урвасан тул нас барсан" гэж Telegram суваг нийтэлсэн байна.

Эргэн сануулахад, Пригожин зургадугаар сард Оросын зэвсэгт хүчний эсрэг бослого гаргаж Ерөнхийлөгч Владимир Путины тушаалын дагуу Москвад хийсэн "Шударга ёсны жагсаал"-аа орхисон юм.

Эх сурвалж: CNN