Монгол Улсын дээд шүүхийн нийт шүүгчийн хуралдааныг өнөөдөр (2025.09.18) болов. Хуралдаанаар Ардчилсан намын даргын өөрчлөлтийг бүртгүүлэх тухай өргөдлийг хэлэлцлээ.

Ардчилсан намын шинэ даргаар Одонгийн Цогтгэрэлийг бүртгэхэд татгалзах үндэслэл байхгүй тул бүртгэхээр шийдвэрлэжээ.

Эргэн сануулахда, Ардчилсан намын шинэ даргыг сонгох Үндэсний бодлогын хорооны хурал өнгөрсөн наймдугаар сард /2025.08.31/ болсон. Энэ хурлаар УИХ-ын гишүүн, УИХ дахь Ардчилсан намын бүлгийн дарга О.Цогтгэрэл Ардчилсан намын даргаар сонгогдсон юм. Намын даргын сунгаанд УИХ-ын гишүүн, УИХ-ын дэд дарга Б.Пүрэвдорж, УИХ-ын гишүүн Ж.Баярмаа, ҮБХ-ны гишүүн Б.Отгонбат нар өрсөлдсөн.

Улстөрийн намуудын өөрчлөлт, шинэчлэлтийг Дээд шүүх бүртгэж баталдаг билээ. 

О.Цогтгэрэлийн боловсрол, намтар:

• 1993 онд Увс аймгийн Тэс сумын 10 жилийн дунд сургууль
• 1998 онд ТИС-ийн Компьютерын техник менежментийн сургууль, эдийн засагч
• 2008 онд Удирдлагын академи, магистр

АЖИЛЛАСАН БАЙДАЛ:

• 1998-2011 онд ТЭСО ХХК-ийн захирал
• 2012-2015 онд Монгол Улсын Ерөнхий сайдын зөвлөх
• 2015-2017 онд Увс аймгийн Ардчилсан Намын дарга
• 2015-2020 онд ТЭСО корпорацын ерөнхийлөгч
• 2020-2024 онд Монгол Улсын Их Хурлын гишүүн
• 2022 оноос Монгол Улсын Их Хурал дахь Ардчилсан Намын бүлгийн дарга
• 2024 оноос Монгол Улсын Их Хурлын гишүүн

ГАДААД ХЭЛ

• Англи