Өнгөрч буй 7 хоногт улс, оронд өрнөсөн онцлох үйл явдлыг тоймлон хүргэж байна.

НИЙСЛЭЛИЙН ЗАСАГ ДАРГААР Х.НЯМБААТАРЫГ ДАХИН СОНГОЛОО

Аймаг, нийслэл, сум, дүүргийн ИТХ-ын сонгууль болж дууслаа. Улмаар НИТХ-ын анхдугаар хуралдаан өнгөрсөн 7 хоногт болж нийслэлийн ИТХ дахь МАН-ын бүлгээс Нийслэлийн Засаг дарга бөгөөд Улаанбаатар хотын Захирагчид Хишгээгийн Нямбаатарыг нэр дэвшүүлсэн. Хуралдаанд оролцсон төлөөлөгчдийн олонхийн саналаар Хишгээгийн Нямбаатарыг Нийслэлийн Засаг дарга бөгөөд Улаанбаатар хотын Захирагчаар сонгохыг дэмжсэн. Иймд Х.Нямбаатар дахин Хотын даргаар сонгогдов. https://gogo.mn/r/88k16

НИЙСЛЭЛД ТОМИЛГОО ҮРГЭЛЖЛЭВ

Аливаа сонгуулийн араас нь сандал, суудал, албан тушаалын халаа, сэлгээ үргэлжилдэг. Энэ 7 хоногт Нийслэлийн Засаг даргын Тамгын газарт шинэ томилгоо ихтэй байлаа.

• НИТХ-ын даргаар А.Баярыг https://gogo.mn/r/1eldw
• Нийслэлийн Засаг даргын орлогчоор А.Амартүвшинг https://gogo.mn/r/ydxem
• Нийслэлийн Засаг даргын Эдийн засгийн хөгжил, дэд бүтцийн асуудал хариуцсан нэгдүгээр орлогчоор Түмэндалайн Даваадалайг https://gogo.mn/r/d92vg тус тус томиллоо.

АЗИЙН ШИЛДЭГ КАУНТРИ ДУУЧИН МОНГОЛООС ТОДОРЧЭЭ

"Авьяаслаг монголчууд" шоуны 2016 оны ялагч, "Авьяаслаг америкчууд" шоунд оролцож үзэгч, шүүгчдийн талархал хүлээсэн дуучин О.Энх-Эрдэнэ Азийн шилдэг каунтри дуучнаар тодорлоо. 

Нийгмийн хөгжилд онцгой хувь нэмэр оруулж буй салбар салбарын шилдэг хүмүүс, корпорациудыг алдаршуулдаг "The knigths awards" ёслол аравдугаар сарын 14-нд Малайзын Филармонийн танхимд болжээ. https://gogo.mn/r/57lm8

“СЭТГЭЦИЙН ЭРҮҮЛ МЭНД” ЧУУЛГАН БОЛЛОО

Дэлхийн сэтгэцийн эрүүл мэндийн өдрийг тохиолдуулан Сэтгэцийн эрүүл мэндийн үндэсний төв, Дэлхийн эрүүл мэндийн байгууллага хамтран “Сэтгэцийн эрүүл мэндийн тусламж үйлчилгээний чанар хүртээмжийг сайжруулъя”  урианы дор 2024 оны 10 сарын 15,16-ны өдрүүдэд сэтгэцийн эрүүл мэнд чуулган, эрдэм шинжилгээний хурал зохион байгууллаа. Энэ чуулганд салбар, салбарын төлөөллүүд оролцож, тулгамдсан асуудлуудаар илтгэл хэлэлцүүлэв. https://gogo.mn/r/1el5w

ЕРӨНХИЙ САЙД Л.ОЮУН-ЭРДЭНЭ ПАКИСТАН ЯВЖЭЭ

Монгол Улсын Ерөнхий сайд Л.Оюун-Эрдэнэ өнөөдөр Исламын Бүгд Найрамдах Пакистан Улсын нийслэл Исламабад хотноо болсон Шанхайн хамтын ажиллагааны байгууллагын гишүүн болон ажиглагч орнуудын Засгийн газрын тэргүүн нарын зөвлөлийн өргөтгөсөн хуралдаанд оролцож үг хэлэв. https://gogo.mn/r/qy52m

ЗАМ ХААСНААС ТҮГЖРЭЛ ҮҮСЭЖ, ИРГЭД БУХИМДАВ

Манай хот үргэлж л түгжрэлтэй байдаг. Гэвч өнгөрч буй 7 хоногийн лхагва гарагт урьд, урьдынхаас илүүтэй түгжирч, иргэд бухимдав. Энэ түгжрэлийн шалтгаан нь нийслэлийн төв хэсэгт гурван ч чиглэлийн зам хааж, засаж, шинэчилж буйтай холбоотой болж таарсан. Нийслэлийн замын хөгжлийн газраас зам хааж, засаж шинэчлэх ажлаа ирэх 7 хоногт ч үргэлжлүүлэх юм байна. https://gogo.mn/r/88k4x

ЦЭРЭГ ТАТЛАГА ЭХЭЛЛЭЭ

Нийслэлийн хэмжээнд хугацаанд цэргийн албаны 2024 оны II ээлжийн цэрэг татлага өчигдөр албан ёсоор эхэллээ. Цэрэг татлага энэ сарын 18,19,20-ны өдрүүдэд зохион байгуулагдана. Өмнө нь цэргийн төв дамжин дээр давтан үзэж дахин онош тавьдаг байсан бол энэ удаагийн цэрэг татлагаар дүүргүүдийн эрүүл мэндийн нэгдсэн үзлэгийн дараагаар шууд цэргийн ангид хүргэгдэхээр зохион байгуулж буй. https://gogo.mn/r/ve0w0