“20 минутын хот” Үндэсний хорооны анхны хуралдаан болов. Тус хурлаар гарсан шийдвэрийн талаар Түгжрэлийн сайд Р.Эрдэнэбүрэн болон хотын дарга Х.Нямбаатар нар мэдээлэл хийлээ.

Түгжрэлийн сайд Р.Эрдэнэбүрэн:

-Энэ долоо хоногт Ulaanbaatar.mn сайтаар иргэдээс санал авна. Иргэд зөвшөөрсөн тохиолдолд ойрын хугацаанд дугаарын хязгаарлалтыг яаралтай эхлүүлнэ.

Дугаараар хязгаарлах арга хэмжээний үзүүлэх нөлөө нь эхний жилүүдэд өндөр байжээ. Аажимдаа автомашины тоог олшруулах арга хэмжээ болж буй учраас цаашид энэ арга хэмжээг хэрэгжүүлэх шаардлагагүй. Энэ жил дугаараар хязгаарласан ч цаашид өөр шийдвэртэй арга хэмжээ авч хэрэгжүүлэхээр Хотын даргатай ярилцлаа.