Лондоны Олон улсын арбитрын шүүхэд “Оюутолгой” ХХК-ийн нэхэмжлэлтэй Монгол Улсын Засгийн газарт холбогдох арбитрын маргаан хянан шийдвэрлэх хурлыг 2025 оны 09 дүгээр сарын 15-26-ны өдрүүдэд явуулжээ. Үүнтэй холбогдуулан Ажлын хэсэг хуралдаж, мэдээлэл сонслоо.

Арбитрын уг маргаанд Монгол Улсын Засгийн газрын байр суурийг хамгаалах үүрэг бүхий Ажлын хэсгийг Ерөнхий сайдын 2025 оны 08 дугаар сарын 22-ны өдрийн 74 дүгээр захирамжаар шинэчлэн байгуулсан.

Бүрэлдэхүүнд Сангийн яам, Хууль зүй, дотоод хэргийн яам, Аж үйлдвэр, эрдэс баялгийн яам, Татварын ерөнхий газар, Гаалийн ерөнхий газар, Усны газар болон “Эрдэнэс Оюутолгой” ХХК-ийн албан тушаалтнууд багтдаг.

Эх сурвалж: ХЗДХЯ