Эрчим хүчний сайд Б.Чойжилсүрэн цаг үеийн нөхцөл байдалтай холбогдуулан сэтгүүлчдийн асуултад хариуллаа.

-Цохотгож байгаа ажилчдынхаа нөхөн олговорыг өгөх үү. Мөн тэтгэмжийг нь өгөхгүй байгаа асуудал яригдаж байна. Энэ талаар мэдээлэл өгөөч. 

-Төрийн өмчит компаниудынхаа үр ашгийг дээшлүүлэх, шаардлагагүй орон тоонуудыг цомхотгох бодлогыг хэрэгжүүлж буй. Жирийн албан хаагч үүнд өртөж байгаа. Дарга цэрэг нарыг нь цомхотгохыг үгүйсгэхгүй. Бид нар тэвчиж болох бүх зардлыг тэвчинэ. Эрчим хүчний салбар маань өөрөө хүнд байдалд байгаа тул хэрэглээний тарифыг нэмэх нь ёс зүйгүй учраас байж болох бүх өртгөө хямдруулах бололцоог хайж байгаа нь үнэн. Бага зэргийг шүүмжлэл гарахыг ч үгүйсгэхгүй.

-Нийт хэдэн хувийн цомхотгол хийж байгаа юм бэ? 
-Хувь гэлгүй төрийн өмчит компаниудын нөхцөл байдалд нь тааруулаад оновчлолыг хийж байгаа гэсэн үг. 

-Өртөг хэмнэлтийг төгрөгөөр тооцвол ямар дүнтэй байна вэ? 
-Энэ тооцооллыг эцэслэн гаргаагүй байна. Эрчим хүчний сайдын эрх хэрэгжүүлж байгаа хувийн болон төрийн өмчит компаниуд бий. Компани бүрд энэ ажлуудыг хийж байна. 

-Цомхотголоо гэж тооцоход тэтгэмж авах боломжийг олгохгүй байна гээд байна шүү дээ. 
-Хууль зөрчихгүй нь тодорхой. Хөдөлмөр, захиргаа болон бусад хуулийн дагуу арга хэмжээнүүдийг авна. Хууль зөрчихгүй. 

Сүүлийн үед ажилтнууд өөрсдөө өргөдлөө өгч гарчихаад янз бүрийн хатгаасаар юм ярьж байгаа нь ч бий. Тодорхой тохиолдол байвал л тодорхой хариулт өгч болно. 

-Иргэдийн зүгээс дулаан маш бага илчтэйгээр ирж байна гэдэг гомдлыг ярьж байна. 
-Үүнийг орон сууцны компаниудаас өөрсдөөс нь шалтгаална. Улаанбаатар дулааны сүлжээ ТӨХК бол 2025-2026 оны өвлийн оргил ачаалалд бэлэн байгаа. Бүх бэлтгэл ажлыг хийж дууссан.