Өмнөх азтаныг яг ингэж шалгаруулсан, дараа нь орон сууцны гэрчилгээг, байрны түлхүүртэй нь хамт гардуулж өгөх үйл явцыг эхнээс нь дуустал харж, хамт байсан. Энэ бүхэн үнэн бас шударга гэдгийг мэдэж буй хүний хувьд өнөөдөр тодрох азтаны өмнөөс догдолж зогслоо. “Өнөөдөр хэн азтан болох бол?. Гар утасны дугаарыг нь цуглуулаад залгахад харилцуурын цаанаас ямар хүний хоолой сонстох бол...

Харилцуурын цаанаас азтаны эмээ ийн ярив. (Бичлэгийг ЭНД-ээс үзэх боломжтой). Шүдээ үзүүлэхээр явсан азтаныг Эм Жи Эл Акуа ХК-ийн байранд хүрэлцэн ирэхийг бид хүлээхээр боллоо.

Удалгүй баяр, хөөр дүүрэн жаал ээж, өвөөгийнхөө хамт орж ирэв. Түүнийг О.Буяннэмэх гэдэг бөгөөд тэр 7 настай, хоёрдугаар ангийн сурагч аж.

"АМ ЮУГААР АМЬДРАЛ ТҮҮГЭЭР БЯЛХАНА"

О.Буяннэмэх хүүгийн ээж Э.Ганцэцэг “Бид өмнөх хоёр өрөө байрны азтаны мэдээллийг маш сайн нягталж, уншсан. Хаана очиж хэрхэн сугалаанд оролцсон тухай гээд бүх мэдээллийг нь лавшруулж уншаад хэдүүлээ ч гэсэн энэ хөтөлбөрт оролцоод үзье гэж шийдсэн. Voyage цэвэр уснаас багцаар нь авч хэрэглэсэн юм.

Нэг ч гэсэн залуу гэр бүлийг тавтай, тухтай орон сууцанд амьдрах боломжоор хангаж, хэрэглэгчээ бодсон хөтөлбөр хэрэгжүүлсэн Эм Жи Эл Акуа ХК-ийн хамт олонд чин сэтгэлийн талархал илэрхийлье.

Эхний удаад унадаг дугуйны азтан болсон. Үүнд хүү маань маш их урамшаад бид 100 сугалаа бүртгүүллээ. Гэтэл хүүгийн маань арваннэгдүгээр сарын 17-нд 21 дүгээр хороололд байрладаг “Оргил” худалдааны төвд очиж бөглөөгөө өгч авсан сугалаа хоёр өрөө байрны тохиролд таарчээ. Маш их баяртай байна.

Бид хоёр эмнэлэгт шүдээ үзүүлчхээд гараад иртэл эмээ нь яриад хоёр өрөө байрны азтан болсон тухай хэлэхэд үнэндээ итгэсэнгүй. Нааш ирэх зам үнэхээр урт санагдлаа шүү. Манайх Сонгинохайрхан дүүрэгт, Тахилтад амьдардаг. Залуу гэр бүлд мөнгө хуримтлуулж урьдчилгаа цуглуулаад орон сууц худалдан авахад тийм ч амар биш, хугацаа ч их орно.

Нэг ч гэсэн залуу гэр бүлийг тавтай, тухтай орон сууцанд амьдрах боломжоор хангасан хэрэглэгчээ бодсон хөтөлбөр хэрэгжүүлсэн Эм Жи Эл Акуа ХК-ийн хамт олонд чин сэтгэлийн талархал илэрхийлье” хэмээн сэтгэгдлээ хуваалцав.

О.Буяннэмэх хүү онц сурдаг, ангийнхаа тэргүүний сурагч гэнэ. Тэр үргэлж лего эвлүүлж, ирээдүйд автомашины үйлдвэртэй болж, хамгийн гоё, сайхан автомашин бүрийг ээждээ унуулах тухай үргэлж том агуулгаар догь зүйлс ярьдаг тухай ээж нь тодотгов. Э.Ганцэцэг бүсгүй “Ам юугаар бялхана, амьдрал түүгээр гэдэг шиг үргэлж сайн, сайхан зүйлс ярьдаг хүү минь Voyage цэвэр ус авч уугаад өнөөдөр ч ээжийгээ баярлууллаа” хэмээн хоолой зангируулав. Тэрбээр сэргээн засах төвд хөдөлгөөн засалчаар ажилладаг аж.

Эм Жи Эл Акуа ХК-ийн Voyage брэндээс "БАЙРТАЙ БӨГЛӨӨ" урамшуулалт хөтөлбөрийг 2024 оны аравдугаар сарын 7-ны өдрөөс эхлүүлсэн. Хөтөлбөр 2024 оны арванхоёрдугаар сарын 25-ны өдрийг хүртэл үргэлжилсэн бөгөөд, энэ хугацаанд нийт 5196 азтан тодров. Хөтөлбөр эхэлснээс хойш телевиз, ухаалаг утас, унадаг дугуй, PlayStation-5, нэг сая төгрөг, Voyage цэвэр усны бүтэн жилийн хэрэглээ гэх мэт олон олон бэлгийн эзэд тодорсон.

Мөн супер азтан болох хоёр өрөө байрны ХОЁР эзэн тодорлоо. Хоёр өрөө байрны эхний эзэн 2024 оны 11 дүгээр сарын 11-ний өдөр тодорсон бөгөөд тэр азтан бол Н.Цэцэгмаа багш байсан. Харин дараагийн супер бэлгийн эзнээр О.Буяннэмэх хүү тодорч, хоёр өрөө байрны түлхүүрээ албан ёсоор гардаж, орон сууцаа хүлээн авлаа.

“Байртай бөглөө” хөтөлбөрийн өмнөх супер бэлгийн эзэн Н.Цэцэгмаа нийслэлийн ХУД-ийн 16-р хороонд 53 метр квадрат талбайтай хоёр өрөө орон сууцанд байнгын оршин суух хаягтай болсон. Харин хоёр дахь супер бэлгийн эзэн болсон О.Буяннэмэх хүү мөн эл байранд Н.Цэцэгмаа багшийн хөрш боллоо. Ийнхүү Voyage брендийн үнэнч хэрэглэгчид, "Байртай бөглөө" урамшуулалт хөтөлбөрийн СУПЕР АЗТАНУУД хаяа дэрлэн, хөрш зэрэглэлдээ оршин суух нь ээ.

МОНГОЛ УЛСЫН УС, УНДААНЫ САЛБАРЫН ХАМГИЙН ТОМ БЭЛЭГТЭЙ, ХАМГИЙН ОЛОН ХЭРЭГЛЭГЧ ОРОЛЦСОН  "БАЙРТАЙ БӨГЛӨӨ" ХӨТӨЛБӨР ХЭРЭГЖИЖ ДУУСЛАА

Монгол Улсын хамгийн анхны, хамгийн том цэвэр усны дагнасан үйлдвэр гэх тодотголтой Эм Жи Эл Акуа ХК-ийн хамт олон урьд өмнө ус, ундааны салбарт хэрэгжиж байгаагүй хамгийн том бэлэгтэй буюу хоёр хүнд хоёр өрөө байр бэлэглэсэн “Байртай бөглөө” урамшуулалт хөтөлбөрийг маш амжилттай хэрэгжүүлж дууслаа. Усаа ууж амны цангаагаа тайлахаас гадна давхар бэлэг авах, байрны эзэн болох боломжтой энэхүү хөтөлбөр нь үнэнч хэрэглэгчээ урамшуулах нүдээ олсон шийдэл юм.

Үндсэндээ “Байртай бөглөө” хөтөлбөр нь хэрэглэгчээ бодсон, бусдад үлгэр жишээ болохуйц урамшуулал байлаа.

Ташрамд мэдээлэхэд,  Эм Жи Эл Акуа ХК нь анх 2001 онд Бумбатын рашааны судал даган үүсгэн байгуулагдсан түүхтэй. Тус компанийнхан элэг, ходоодод сайн гэдгээр иргэд мэддэг Бумбатын рашааныг газрын 120 гаруй метрийн гүнээс татан авч, олон улсын стандартыг хангасан зургаан шатлалт шүүлтүүрээр шүүн савласан Voyage брэндийн цэвэр усыг 23 жилийн турш хэрэглэгчдэд хүргэж, зах зээлд нийлүүлсээр дотоодын шингэн хүнсний зах зээлд тэргүүлэн ажиллаж байна.

Мөн Эм Жи Эл Акуа ХК үйл ажиллагаанаас үүсэх хог хаягдлыг бууруулах, хэрэглээг багасгах, цэвэр хотыг бий болгохоор хог хаягдлын менежментийг нэвтрүүлэн ажилладаг. Сав, баглаа боодлынхоо жинг бууруулах ажлыг 2017 оноос эхлэн үе шаттайгаар хэрэгжүүлэн, хуванцар савыг дахин боловсруулж хог хаягдлыг бууруулахад бодитой хувь нэмрээ оруулсаар байна.

Тус компани хөгжлийнхөө дараагийн шатыг эхлүүлж олон нийтэд нээлттэй хувьцаат компани болоод буй юм.