• 3х3 сагсан бөмбөгийн "Sansar 2023" Challenger тэмцээн боллоо
• Тэмцээнд Монголын "Sansar MMC Energy" баг гуравдугаар байр эзлэв
• Ингэснээр тэд ирэх сард болох "Chengdu Masters" тэмцээнд оролцох эрхтэй боллоо

3х3 сагсан бөмбөгийн дэлхийн цуврал тэмцээн "Chengdu Masters" аравдугаар сарын 21-22-ны хооронд болно. Тус их дуулгад оролцох эрхийн төлөөх "Sansar 2023" Challenger тэмцээн өчигдөр өндөрлөв.

Тэмцээнд Швейцарын "Lausanne" баг Пуэрто Рикогийн "San Juan" багийг финалд 21-12 харьцаагаар хожин түрүүлсэн. Харин Монголын "Sansar MMC Energy" баг гуравдугаар байр эзэлснээр Ченду их дуулгад оролцох эрхээ авлаа.

Тэмцээний эхний гурван байрт орсон багууд их дуулгын эрх авах байсан бөгөөд Sansar MMC Energy баг хагас шигшээд Швейцарын багт 15-14 харьцаагаар хожигдсон юм.

• "Ulaanbaatar MMC Energy" баг Чэндугийн их дуулгад оролцох эрхээ авлаа
• 3х3-ын өсвөрийн эмэгтэй баг хэсгийн эхний хоёр тоглолтдоо хожлоо
• Өсвөрийн шигшээ баг дэлхийн аваргын шөвгийн наймд шалгарлаа

Sansar 2023 тэмцээнд Монголын дөрвөн баг оролцсоноос "Ulaanbaatar MMC Energy" баг хасагдах шатанд шалгаран, долоодугаар байр эзэлсэн. Тэд аль хэдийн "Suntory Shanghai Challenger" тэмцээнээс Ченду их дуулгын эрхээ аваад байсан юм.

Мөн Монголын "Zaisan MIGdaatgal" баг хэсгийн шатанд хожигдон 10-р байр эзэлсэн бол Bayangol Broncos баг урьдчилсан шатанд хожигдож 13-р байрт жагссан.

Ирэх сард Хятадын Ченду хотод Монголын хоёр багаас гадна Сербийн "Ub Huishan NE", Австрийн "Vienna", Литвийн "Raudondvaris Hoptrans", Хятапын "Beijing" зэрэг шилдэг багууд оролцоно.