БНХАУ-ын дарга Ши Жиньпин энэ онд багтаан Монголд айлчилна. Тэрээр 2014 онд  манай улсад айлчлан, УИХ-ын чуулганы танхимд үг хэлж байв. 

Манай талаас Ерөнхийлөгч асан Х.Баттулга 2020 оны 02 дугаар сарын 27-ны өдөр БНХАУ-д айлчилж, Ши Жинвпин даргатай уулзаж байжээ. 

2024 онд Монгол Улс, БНХАУ-ын хооронд дипломат харилцаа тогтоосны 75 жилийн ой, Монгол Улс, БНХАУ-ын хооронд Найрсаг харилцаа, хамтын ажиллагааны тухай гэрээг шинэчлэн байгуулсны 30 жилийн ой, Ши Жиньпин даргын анх (одоог хүртэл цорын ганц) Монгол Улсад айлчилсны 10 жилийн ой тохиосон юм.

Мөн энэ онд Италийн Ерөнхийлөгч Сэржо Маттарэлла Ерөнхийлөгч У.Хүрэлсүхийн урилгаар манай улсад айлчилна.