"NESTLÉ” группийн нялхсын сүүн тэжээлийн тодорхой нэр төрлийн бүтээгдэхүүнийг худалдан авч, хэрэглэхгүй байхыг анхааруулж байна.

“NESTLÉ” групп компаниас нялхсын сүүн тэжээлийн зарим бүтээгдэхүүнд Bacillus cereus нянгийн цереулид хэмээх хорт бодис агуулагдах эрсдэлтэй байж болзошгүй гэж үзжээ. 

Үүнтэй холбогдуулан тус компаниас 2026 оны 1 дүгээр сарын 05-ны өдөр гаргасан шийдвэрийн дагуу Монгол Улсын зах зээлд нийлүүлэгдсэн нялх хүүхдийн дөрвөн нэр төрлийн сүүн тэжээлийн тодорхой тооны бүтээгдэхүүнийг сайн дурын үндсэн дээр зах зээлээс эргүүлэн татах арга хэмжээг авсан байна. Үүнд:

• NAN 1 OPTIPRO
• NAN Supreme
• NAN 2 OPTIPRO
• PreNAN гэсэн нэр төрлийн нялхсын сүүн тэжээлийг эргүүлэн татжээ.

Өнөөдрийн байдлаар дэлхийн улс орнуудад дээрх бүтээгдэхүүнтэй холбоотой хүнсний хордлогын тохиолдол бүртгэгдээгүй байна гэж ЭМЯ-наас мэдээлэв.