ОТ компанитай холбоотой нотлох баримтын сонсголын эхний хэсэг дуусав. Одоо Жавхлант, Шивээ толгойн ордтой холбоотой нотлох баримтыг хэлэлцэж байна.

Жавхлант, Шивээ толгойн ашиглалтын тусгай зөвшөөрлийн талбайн нөөцийг тогтоож, үнэлгээг тодорхойлсон болон холбогдох бусад баримтад үндэслэн төрийн эзэмшлийн хувь хэмжээг тогтоохтой холбоотой асуудлыг хэлэлцэж байна.

Эдгээр хайгуулын ордыг 2008 оноос өмнө "Монгол газар" ХХК эзэмшиж байгаад Канадын "Онтрэ ресурс" компанид 10.5 сая ам.доллараар худалджээ. Энэ төлбөрийн 5 сая ам.долларыг бэлнээр, үлдсэн 5 сая ам.долларыг "Онтрэ"-гийн хувьцаагаар солилцсон байна. Иймд Ц.Мянганбаяр захирал сонсголд гэрчээр оролцож байна.

Шинжээч "Талууд гэрээнд үнийн дүнгээ заагаагүй тул "Монгол газар" ХХК энэ төлбөрийг авсны дараа татвар төлсөн, эсэх нь тодорхойгүй байна" гэсэн юм. Ц.Мянганбаяр захирал "Анод банкнаас авсан зээлээ төлөхийн тулд дээрх тусгай зөвшөөрлийг худалдсан" гэв.