“Улаанбаатар-2025” жүдо бөхийн Их дуулга тэмцээнээс Монголын баг 11 дэх медалиа хүртлээ. 

Эмэгтэйчүүдийн хамгийн хүнд жин +78 кг-д зодоглосон ОУХМ Д.Номинзул БНХАУ-ын үлэмж биет бөх, Азийн АШТ-ий хүрэл, Душанбегийн гранпригийн мөнгөн медальт Юе Лианыг хүнд барилдааны эцэст даралтаар ялж, хүрэл медалийн эзэн болов. 

Тэрбээр өмнө нь дотоодын гол өрсөлдөгч А.Адъяасүрэнг ялсан билээ. 

А.Адъяасүрэнгийн хувьд хүрэл медалийн төлөөх барилдаанд Хорватын Хелена Вуковичид харамсалтай дийлдсэнээр шагналт 5-р байр эзэлсэн юм.

Монголын багийн медалийн тоог нэмсэн Д.Номинзулдаа баяр хүргэе!

Эх сурвалж: Монголын Жүдо бөхийн Холбоо