Олон улсын хүүхдийн эрхийг хамгаалах өдрийг тохиолдуулан хүүхэд багачуудын хөгжил, оролцоог дэмжих, гэр бүлийн үнэ цэнийг бэхжүүлэх зорилготой “KIDS EXPO 2026” гэр бүлийн нэгдсэн үзэсгэлэн, яармаг өнөөдөр /2026.05.29/ Төв цэнгэлдэх хүрээлэнгийн Сурын талбайд албан ёсоор нээлтээ хийлээ.

Тус арга хэмжээ нь 2026 оны 5 дугаар сарын 29-нөөс 6 дугаар сарын 1-ний өдрүүдэд үргэлжлэх бөгөөд хүүхэд, гэр бүлийн чиглэлийн хамгийн томоохон нэгдсэн үзэсгэлэн яармаг болж буйгаараа онцлог юм.

Нээлтийн өдрийн үйл ажиллагааг хүүхэд залуусын хайртай контент бүтээгчид болох YOJLOL-ын Мөнхжаргал болон Үүрцайх нар хамтран хөтлөн явуулсан нь хүүхдүүдийн баяр дээр баяр нэмсэн үйл явдал боллоо.

Нээлтийн үйл ажиллагаанд

Үзэсгэлэн яармагийн ерөнхий зохион байгуулагч “UB Expo” компанийн гүйцэтгэх захирал Д.Цолмонгэрэл, үзэсгэлэн яармагийн санаачлагч Б.Мичид Нийслэлийн Соёл Урлагийн Газрын Соёлын үйлдвэрлэл Урлагийн хэлтсийн дарга Х.Батчимэг, Монголын Үндэсний Худалдаа Аж Үйлдвэрийн Танхимын Гүйцэтгэх захирал Ц.Магнайбаатар, Дэд захирал Ч.Баттулга  “KIDS EXPO 2026” үзэсгэлэн яармагийн ивээн тэтгэгч “Ovs kids” брэндийн менежер Х.Мөнхчимэг, “Наран Кидс Стор ХХК”-ийн Маркетингийн менежер Б.Тэмүүлэн “Ondo brand”-ийн  Хамтын ажиллагааны ахлах мэргэжилтэн Ч.Мягмарсүрэн, CRESSENN компанийн хамтран үүсгэн байгуулагч МаргаРита нар үг хэлж тууз хайчиллаа.

Мөн энэхүү гэр бүлийн нэгдсэн арга хэмжээг 8 настай Б.Мичид санаачилсан бөгөөд хүүхдийн баярын үеэр бүх үйл ажиллагаа нэг дор төвлөрсөн байвал гэр бүл, найз нөхөд, ангийнхантайгаа бүтэн өдрийг хамт өнгөрүүлэх боломжтой гэж үзжээ. Өмнө нь нэг газраас нөгөө газар руу явахдаа түгжрэлд их цаг алддаг байсан нь энэхүү санааны эхлэл болсон гэдгээ онцолж байсан юм.

“KIDS EXPO 2026” гэр бүлийн арга хэмжээний өдрүүдэд урлагийн тоглолт, хөгжөөнт тэмцээн уралдаан, гар урлалын хэсэг, хүүхдийн тоглоомын болон амралтын бүс ажиллах бөгөөд амттан, амттай хоол ч байгаа аж. Гэр бүлээрээ тав тухтай орчинд баяраа тэмдэглэх бүхий л боломжийг бүрдүүлжээ.

Үзэсгэлэн яармагт салбартаа тэргүүлэгч, хүүхдийн төлөө үйл ажиллагаа явуулдаг 100 гаруй байгууллага оролцож, хүүхэд болон гэр бүлд зориулсан шилдэг бүтээгдэхүүн, үйлчилгээгээ танилцуулж байна.

Үзэсгэлэнгийн хүрээнд:

• Хүүхдийн хувцас, аксессуар, гэр ахуйн бүтээгдэхүүн
• Тоглоом, танин мэдэхүйн бүтээгдэхүүн
• Боловсрол, хөгжмийн сургалт
• Хүүхдийн хоол, эрүүл мэндийн үйлчилгээ зэрэг олон төрлийн чиглэлээр үйл ажиллагаа явуулж байна.

Мөн 5 дугаар сарын 29, 30-ны өдрүүдэд “Мөнх тунх” маскот бүжгийн шоу үзэгчдэд хүрэх бол 5 дугаар сарын 31 болон 6 дугаар сарын 1-ний өдрүүдэд хөгжилтэй алиалагчид хүүхдүүдэд инээд хөөр бэлэглэхээс гадна ENTERTAINMENT.MN-ний хүүхэлдэйн баатруудын жүжигчилсэн тусгай хөтөлбөр тоглогдох юм.

Түүнчлэн хүүхдүүдийн дуртай “Үлэг гүрвэл” дууг Night Train хамтлаг болон Хоньчин Лхагваа нар тайзнаа дуулж, бяцхан үзэгчдэдээ баярын гэнэтийн бэлэг барина.

Үзэсгэлэнгийн өдрүүдэд бүх насны хүүхдэд зориулсан “KIDS GOT TALENT” нээлттэй хөтөлбөр зохион байгуулагдаж байгаа бөгөөд хүүхэд бүр өөрийн авьяасаа үнэ төлбөргүйгээр тайзан дээр чөлөөтэй үзүүлэх боломжтойгоороо онцлогтой. Дуу, бүжиг, хөгжим, жүжиг, шүлэг, циркийн үзүүлбэр зэрэг төрөл бүрийн үзүүлбэрээр оролцох боломж нээлттэй байна.

Зохион байгуулагчдын зүгээс “KIDS EXPO 2026” нь гэр бүлүүдэд нэг дор дурсамж бүтээх, суралцах, хөгжилдөх, худалдан авалт хийх боломжийг бүрдүүлсэн томоохон арга хэмжээ тул иргэдийг өргөнөөр хүрэлцэн ирэхийг урьж байна.

ЕРӨНХИЙ ЗОХИОН БАЙГУУЛАГЧ
UB EXPO LLC

ХАМТРАН ЗОХИОН БАЙГУУЛАГЧ

СОЁЛ, СПОРТ, АЯЛАЛ ЖУУЛЧЛАЛ, ЗАЛУУЧУУДЫН ЯАМ
НИЙСЛЭЛИЙН СОЁЛ УРЛАГИЙН ГАЗАР
ХУДАЛДАА АЖ ҮЙЛДВЭРИЙН ТАНХИМ
СПОНСОР БАЙГУУЛЛАГУУД
ONDO
CRESSENN
NARAN KIDS
             OVS KIDS
             POCKET

Холбоо барих:
Утас: 9191-9442, 8859-6771, 91168944
И-мэйл: