Хөрөнгө оруулагчид 2025 онд зах зээлд үүсэх “шок”-уудад бэлтгэлтэй байх хэрэгтэй гэж “Wall Street”-ийн шинжээчид зөвлөлөө. Тухайлбал: Дональд Трампын татвар болон тарифын бодлогын үр дүнд өнгөрсөн наймдугаар сард үүссэн нөхцөл байдалтай адил огцом хөдөлгөөнүүд гарах боломжтой гэж анхааруулж байна.

“Bank of America”-ийн мэдэгдсэнээр “S&P 500 Index”-д гарах “шок”уудын давтамж өнгөрсөн 80 жилийн дунджаас тав дахин нэмэгдэх эрсдэлтэй байгаа аж.

Зах зээлийн хэлбэлзэл сүүлийн улиралд харьцангуй тогтворжсон ч энэ нь түр зуурынх байх магадлалтай гэж зарим шинжээчид таамаглаж байна. Учир нь хөрөнгө оруулагчид Дональд Трампын бодлогын сөрөг нөлөөллийг тооцоололгүй зөвхөн сайн үр дагаварт үндэслэж шийдвэрээ гаргасныг “Dominice”-ийн хөрөнгө оруулалтын ахлах шинжээч мэдэгдэв. 

М.Эрхэс