#Чөлөөтбөх Чинболдын Отгонтуяа 23 хүртэлх насны буюу залуучуудын дэлхийн аварга шалгаруулах тэмцээний -53 кг жинд хүрэл медаль авлаа.

Чөлөөт бөхийн 23 хүртэлх насны буюу залуучуудын дэлхийн аварга шалгаруулах тэмцээн Албани улсын нийслэл Тирана хотод үргэлжилж байна.

Тэмцээний гурав дахь өдөр эмэгтэй -53 кг жинд Чинболдын Отгонтуяа хүрэл медаль авлаа.

Тэрээр эхний шатанд Энэтхэгийн Хансика Ламбаг 12-2, шөвгийн наймд АНУ-ын Элена Ноэллэ Ивалдиг 10-8 харьцаагаар ялсан.

Харин хагас шигшээд Японы Юү Сакамотод 4-4 харьцаагаар ялагдсан бөгөөд улмаар хүрэл медалийн төлөө Казахстаны Зэйнеп Баяановаг 12-2 харьцаагаар хожсон юм.

• Чөлөөт бөхийн залуучуудын ДАШТ-д Монголын 12 тамирчин барилдана
• Үндэсний бөхийн өсвөр үе, залуучуудын УАШТ эхэллээ
• Үндэсний бөхийн өсвөр, залуучуудын УАШТ лхагва гарагт эхэлнэ

30 орчим орны 650 гаруй тамирчин гурван төрлийн 30 жинд оролцож буй тэмцээн энэ сарын 27-ныг дуустал үргэлжилнэ.

Тэмцээн өнөөдөр эрэгтэй чөлөөт бөхийн төрлөөр үргэлжилнэ.