Парис 2024 зуны олимпын чөлөөт бөхийн эмэгтэй -62 кг жинд Монголын шигшээ багийн тамирчин, 2017 оны дэлхийн аварга 30 настай Пүрэвдоржийн Орхон зодоглолоо.

Тэрээр эхний шатанд Токиогийн олимпын хүрэл медальт, 2019 оны дэлхийн аваргын мөнгө, 2023 оны хүрэл медальт, 2021, 2023, 2024 оны Европ тивийн аварга Украины 25 настай Ирина Колиаденкотой барилдаж 8-7 харьцаагаар ялагдлаа.

Барилдааны явц:

• Орхон +1. 1-0
• Орхон +1. 2-0
• Орхон +2. 4-0
• Ирина +2. 4-2
• Ирина +2. 4-4
• Ирина +2. 4-6
• Ирина +2. 4-8
• Орхон +1. 5-8
• Орхон +2. 7-8

Ингэснээр Ирина шөвгийн наймд шалгарсан бөгөөд финалд үлдвэл П.Орхон дагана. Ирина финалд шалгарснаар П.Орхон дагаж барилдахаар боллоо. Тэрээр 17:00 цагаас 2018 оны дэлхийн аваргын мөнгөн медальт, 2021 оны дэлхийн аварга, Европын дөрвөн удаагийн аварга Болгарын 27 настай Билиана Живкова Дудоватай барилдана.