Таван Богд Групп нь эмнэлгийн тоног төхөөрөмжийн үйлдвэрлэлээр тэргүүлэгч Фүжифильм Корпорацтай хамтран жилдээ 20,000 хүнд үйлчлэх хүчин чадалтай “NURA ГЭРЛҮГ” салбарыг 2023 оны 9-р сард нээж өдгөө 18,500 гаруй үйлчлүүлэгчдийг хүлээн аваад байна.

Бид үйлчлүүлэгчдийнхээ хэрэгцээ шаардлагад нийцүүлэн, илүү олон хүнд эрт илрүүлгийн ач холбогдлыг хүргэхийг зорин жилд 40,000 хүнийг эрт илрүүлгийн шинжилгээнд хамруулах хүчин чадалтай “NURA ЗАЙСАН” салбараа нээлээ.

Ингэснээр NURA төв нь өдөрт 180, жилд 60,000 хүнд үйлчилгээ үзүүлэх хүчин чадалтай болж байна.

FUJIFILM Корпорацын хиймэл оюун ухаанд суурилсан NURA эрт илрүүлгийн төв нь зонхилон тохиолдох хавдрын эрсдэл, амьдралын хэв маягаас үүдэлтэй өвчнийг 32 үзүүлэлттэй багц шинжилгээгээр эрт үед нь илрүүлдэг.

NURA төвийн Эмнэлзүйн тасгийн эрхлэгч Ц.Дүүрэнжаргал: "Дэлхийд хийгдэж байгаа хавдрын судалгаагаар бүх улс орнуудад хавдрын өвчлөл 2030 онд 20-30 хувь, 2040 онд 55 хувиар нэмэгдэх зураглал гарсан байдаг. Мөн 2022 оны байдлаар Монголд жилдээ 6,000-7,000 хүн хорт хавдраар өвчилж байна гэсэн маш харамсалтай тоон мэдээ байна. Тэдгээрээс 70 гаруй хувь нь хожуу шатандаа оношлогдож байгаа юм. Мөн сүүлийн үед залуу хүмүүс хавдраар өвчлөх нь ихсэж байгаа нь эрт илрүүлэгт хамрагдах ямар чухал вэ гэдгийг харуулж байна.

NURA төвд өнөөдрийг хүртэл үйлчлүүлсэн хүмүүсийг насны бүлгээр нь харвал 30-64 насныхан эрт илрүүлэгт хамгийн их хамрагдаж байгаа нь маш сайшаалтай юм.

Манай төвийн нэг онцлог нь монгол хүмүүсийн дунд зонхилон тохиолддог зүрхний шигдээсийн үед тодорхойлдог кальцийн оноог бага тунт компьютер томографийн шинжилгээгээр тодорхойлж байна. Эрүүл хүнд 0 байх ёстой тус оноо нь 101-ээс дээш гарах юм бол зүрхний титэм судасны нарийсал байна гэж үздэг. Энэ нь цаашлаад зүрхний шигдээс болох магадлалтай юм. Одоогийн байдлаар ийм эрсдэлтэй гэж үзсэн 375 хүнийг эрт үед нь илрүүлж дараагийн шатны эмнэлэг рүү явуулсан байна" гэв.

NURA Зайсан салбар нь FUJIFILM корпорацын  хиймэл оюун ухаанд суурилсан өндөр хүчин чадал бүхий тоног төхөөрөмжөөр бүрэн тоноглогдсон бөгөөд, жилд 40,000 хүнд үйлчлэх хүчин чадалтай дэлхийн хэмжээнд NURA эрт илрүүлгийн төвийн хамгийн том салбар болж байгаа юм.

Хиймэл оюун ухаанд суурилсан хамгийн сүүлийн үеийн дэвшилтэт тоног төхөөрөмжөөр зонхилон тохиолдох хавдрын эрсдэл, амьдралын хэв маягаас үүдэлтэй өвчнийг 32 үзүүлэлттэй багц шинжилгээгээр 2-3 цагийн дотор түргэн шуурхай оношлуулаарай.

Шинжилгээний цаг захиалах 7588-7588, www.nura.mn
Эрт илрүүлж- Эрүүл амьдаръя

Веб сайт: www.nura.mn
Зайсан салбар хаяг: Хан-Уул дүүрэг, 22-р хороо, Ар Зайсангийн гудамж, NURA Зайсан салбар