#CS2 Өөрсдийн сонгосон Ancient дээр хожигдсон The MongolZ эсрэг багийн сонгосон Dust II map-д 2-11 харьцаагаар хожигдож явсан юм.

CS2-ын хамгийн нэр хүндтэй лигийн тэмцээн болох "ESL Pro League"-ийн 21 дэх удаагийн улирал Шведийн Стокхольм хотод үргэлжилж байна.

$400,000 (1.3 тэрбум төгрөг) шагналын сантай тэмцээний хоёрдугаар шатанд шууд уригдсан Монголын "The MongolZ" баг өнөөдөр хоёр дахь тоглолтоо "G2 Esports"-той хийж 2-1 (Ancient 9-13, Dust II 16-12, Mirage 13-10) харьцаагаар хожлоо.

Тоглолтод G2 багийн мэргэн бууч Иля "m0NESY" Осипов 101.0 ADR (Average Damage per Round), +37 frag-тай багаа тэргүүлсэн бол The MongolZ-оос Мөнхболдын "Senzu" Азбаяр +16 frag, 87.8 ADR-тай багаа тэргүүлэв.

Ийнхүү 2-0 амжилттай болсон The MongolZ дараагийн тоглолтоо маргааш 20:00 цагаас "Team Spirit" багийн эсрэг хийнэ.

• The MongolZ ESL Pro League-ийн эхний тоглолтдоо 2-0 харьцаагаар хожлоо
• "The MongolZ" баг Монгол Улсын үндэсний шигшээ багийн бүрэлдэхүүнд нэгдлээ
• СПОРТЫН ЦАГЛАВАР: 2025 оны гуравдугаар сар

Хоёр баг сүүлд "Perfect World Shanghai Major 2024" тэмцээний хүрээнд таарч тоглоход монгол залуус Inferno-д 13-10 харьцаагаар хожиж байв. Харин түүний өмнөх "Esports World Cup 2024" тэмцээнд G2 2-0 харьцаагаар хожиж байв.

Хоёр долоо хоногийн өмнө "PGL Cluj-Napoca 2025" тэмцээний шөвгийн наймаас хасагдсан монгол залуус өмнөх "ESL Pro League Season 20" тэмцээний playoffs-т Туркийн "Eternal Fire"-т хожигдон 9-12-р байраар тэмцээнээ дуусгаж байв.

Чансаа доогуур багуудын өндөр түвшний багуудтай тоглох боломжийг нээж өгдөг "ESL Pro League"-ийн эхний шатанд 16 баг оролцсоноос нь найм нь хоёрдугаар шатанд шалгарсан. Хоёрдугаар шатанд шууд уригдсан найман баг болон нэгдүгээр шатнаас шалгарсан найман багууд швейцар системээр тоглон түрүүлж гурав хожсон найм нь playoffs-т шалгарах юм.