#CS2 "BLAST.tv Austin Major 2025" тэмцээний нэгдүгээр шатанд оролцох 16 багийн нэг нь Монгол болон Баруун Азийн сонгон шалгаруулалтаас эрхээ авна.

Valve-аас албан ёсоор зохиодог CS2-ын дэлхийн хамгийн том тэмцээн, 2025 оны эхний мажор энэ зургаадугаар сард АНУ-ын Остин хотод болно.

"BLAST.tv Austin Major 2025" тэмцээний гурван шатанд нийт 32 баг оролцоно. Нэгдүгээр шатанд оролцох 16 багийн нэг нь Монгол болон Баруун Азийн сонгон шалгаруулалтаас эрхээ авна.

Уг сонгон шалгаруулалтын тэмцээн энэ сарын 15-17-ы хооронд онлайнаар болох бөгөөд Монголын гурав, Энэтхэгийн нэг баг оролцоно. Тус дөрвөн багийг Valve-ын бүсийн чансаагаар урьсан.

• Монголын гурван баг ESL Challenger League-ийн шигшээ шатанд шалгарлаа
• The MongolZ шигшээ шатны эрхийн төлөө өнөөдөр Falcons-той тоглоно
• The MongolZ хоёр тэмцээн дараалан Team Liquid-ийг хожлоо

Сонгон шалгаруулалт "double-elimination bracket" /Нэг баг хоёр хожигдвол хасагдана/ системээр болох ба зөвхөн нэг нь мажорт оролцож гарын үсэг бүхий sticker/наалт/-ээ гаргана.

Тэмцээний нэгдүгээр шатанд Европын 6, Хойд Америкийн 3, Өмнөд Америкийн 3, Хятадын 2, Зүүн Өмнөд Ази, Номхон далайн 1 баг тус тус оролцоно. Швейцар системээр тоглосны дараа тус шатнаас найман баг хоёрдугаар шат руу шалгарна. 

Хоёрдугаар шатанд шууд уригдсан найман багтай хамт нийт 16 баг дахин швейцар системээр өрсөлдөж дахин найм нь гуравдугаар шат руу шалгарна. Гуравдугаар шат мөн ижил журмаар тоглож найм нь шигшээ шатанд шалгарах юм.

Тэмцээний гуравдугаар шатанд Монголын "The MongolZ" баг Азийн чансааны 1-р байраар шууд уригдсан.