#3x3 Монголын эмэгтэй шигшээ баг U23 дэлхийн аварга шалгаруулах тэмцээний хоёр дахь тоглолтдоо Кенийн шигшээ багийг 21-5 харьцаагаар хожлоо.

3x3 сагсан бөмбөгийн 23 хүртэлх насны буюу U23 дэлхийн аварга шалгаруулах тэмцээн Монгол Улсын нийслэл Улаанбаатар хотод өнөөдөр эхэллээ.

Тэмцээний C хэсэгт Герман, Польш, Израил, Кени улсын шигшээ багтай таарсан Монголын эмэгтэй шигшээ баг хоёр дахь тоглолтдоо Кенийн шигшээ 21-5 харьцаагаар илүүрхэв.

Тоглолтод багаараа нийт 7 удаа холын зайн шидэлтээ амжилттай болгосон бөгөөд Б.Ариунцэцэг 3, Б.Энхтуул 3 удаа холын зайн шидэлтээс оноо авсан.

Кенийн эсрэг авсан оноо:

• Бат-Эрдэнийн Ариунцэцэг - 7 оноо
• Базаргүрийн Энхтуул - 7 оноо
• Цэнджавын Болорцэцэг - 2 оноо
• Өлзийбатын Индра - 5 оноо

Эмэгтэй шигшээ баг дараагийн тоглолтоо баасан гарагт 17:45 цагаас Израилын шигшээ багтай хийнэ. Одоогоор нэг хожил нэг хожигдолтой хэсэгтээ 3-рт бичигдэж байна.

• U23 ДАШТ: Эмэгтэй баг нээлтийн тоглолтод Германд хожигдлоо
• 3х3 U23 дэлхийн аварга шалгаруулах тэмцээн маргааш эхэлнэ

Хэсэг тус бүрээс хамгийн өндөр оноотой хоёр баг playoffs-т шалгарна.

Монгол багуудын тоглолтуудын хуваарь:

• 2024.09.11. 17:45. Эмэгтэй. Монгол 15-20 Герман. 19:35. Эмэгтэй. Монгол 21-5 Кени
• 2024.09.12. 17:20. Эрэгтэй. Монгол - Япон. 19:10. Эрэгтэй. Монгол - Бенин
• 2024.09.13. 17:45. Эмэгтэй. Монгол - Израил. 19:35. Эмэгтэй. Монгол - Польш
• 2024.09.14. 16:45. Эрэгтэй. Монгол - Нидерланд. 19:10. Эрэгтэй. Монгол - Хятад