Төрийн эрх бүхий албан хаагчид CU компанийн урилга, зардлаар БНСУ-д ажлын өдрүүдээр тав хоног аялсан гэж “ТҮЦ-ээр амь зуугчдын холбоо” төрийн бус байгууллагаас өнөөдөр мэдээлэв.

“ТҮЦ-ээр амь зуугчдын холбоо” ТББ-ын гишүүн н.Пунсалдулам “Нийслэлийн мэргэжлийн хяналтын газрын мэргэжилтнүүд, дүүргүүдийн хүнс, худалдаа, үйлчилгээний газрын дарга нар CU-ын урилга, зардлаар БНСУ-д аялж, төсвийн мөнгийг үргүй зарцуулж байна. Бид тэр хүмүүсийг нисэх болон ирэх үед бичлэг хийж баримтжуулсан гэсэн юм.

Харин Нийслэлийн хэвлэлийн алба “Алба хаагчид CU компанийн урилга, зардлаар яваагүй. Өөрсдийн зардлаар явж, туршлага судалсан” гэв.

Ташрамд дурдахад, БНСУ руу ирж очих тийзний үнэ хоёр талдаа 1.2 сая төгрөг байна.