Шинээр байгуулагдсан 126 гишүүнтэй УИХ-д анх удаа Боловсрол, шинжлэх ухааны салбарыг дэмжих лобби бүлэг байгуулах санаачилгыг гаргаж, аль нэг нам, эвсэл харгалзалгүй УИХ-ын гишүүдийн лобби бүлэг өчигдөр /2024.07.05/ байгуулагджээ.

Лобби бүлэг байгуулах тухай саналаа УИХ-ын гишүүн Ж.Галбадрах, Ж.Баярмаа, Л.Гантөмөр, Ц.Даваасүрэн, Г.Дамдинням, С.Зулпхар, Ч.Лодойсамбуу, Ц.Мөнхтуяа, П.Наранбаяр, Д.Рэгдэл, Б.Тулга, Ч.Ундрам, Б.Хэрлэн, Н.Батсүмбэрэл, О.Саранчулуун, Д.Ганмаа, Д.Бум-Очир, П.Батчимэг,, А.Ундраа нарт тавьж, анхны уулзлалтаа Төрийн ордны ёслол хүндэтгэлийн өргөөнд хийсэн байна.



“Боловсрол, шинжлэх ухааны салбарт улстөржилтөөс илүү нэгдсэн зөв бодлого хэрэгтэй. Манай лобби бүлгийн гишүүд бүгд боловсрол, шинжлэх ухааны салбарт ажиллаж байсан туршлагатай хүмүүс багтсанд талархаж байна. Боловсрол, шинжлэх ухаанаа сонсдог, анхаардаг улс зөв бодлогоор хөгждөг” гэж УИХ-ын гишүүн, БШУ-ы сайд Л.Энх-Амгалан цахим хуудаснаа мэдээлжээ.