Дональд Трамп цаашдаа засаг захиргааны үйл ажиллагааг хэрэгжүүлэхийн тулд Жо Байдены гаргасан, нэг удаагийн хуванцар материалыг 2035 он хүртэл ашиглахгүй байх шийдвэрийг хүчингүй болгохоор болжээ.

Энэ хүрээнд тэрбээр дараах шийдвэрийг гаргаснаа твиттер дэх постдоо “Цаасан соруул хэрэглээд байх утгагүй. Тиймээс бид буцаад хуванцрыг ашиглаж эхэлнэ” гэжээ.

Экс Ерөнхийлөгч Жо Байден өнгөрсөн зун төрийн байгууллагуудын хоол хүнс, сав баглаа боодол, арга хэмжээний нэг удаагийн хуванцар бүтээгдэхүүнүүдийг 2027 он гэхэд дуусгах, бүх төрийн байгууллагад 2035 он гэхэд нэг удаагийн хуванцар бүтээгдэхүүнүүдийг устгах захирамж гаргасан билээ.

Мөн 2022 онд Байденын Засгийн газрын Хөдөө аж ахуйн яам нь 2032 он гэхэд бүх төрийн газар нутгуудад нэг удаагийн хуванцар бүтээгдэхүүнүүдийг дуусгах зорилтыг тавьсан бөгөөд үүнд хуванцар хоол хүнс болон ундааны сав, савх, аягатай хүнс, уут зэрэг орж байв.

Трампын цаашдын гаргах захирамжийн хүрээнд дээрхийг цуцлах талаар тодорхой мэдээлэл гараагүй ч, цаасан соруулын санаачилгыг тэрбээр урьд өмнө ч эсэргүүцэж байсан юм.

Эх сурвалж: Forbes