ЕБС-ийн сурагчид, их дээд сургууль, коллежийн оюутнууд, техник технологид сонирхолтой залуусын дунд зохион байгуулдаг “UB Robot Challenge - 2024” тэмцээний бүртгэл эхэллээ.

Өсвөр насны хүүхдүүдэд технологийн суурь мэдлэг олгох, инновацын соёлыг түгээх, хүүхэд залуучуудын техник сэтгэлгээг хөгжүүлэхэд дэмжлэг үзүүлэх, техник технологийн дэвшилтэй танилцах, багаар ажиллах чадварыг нэмэгдүүлэх зорилготой тус тэмцээнийг хоёр дахь жилдээ зохион байгуулж байна.

12 төрлөөр зохион байгуулах бөгөөд энэ сарын 10-17-ны өдрийг дуустал цахимаар бүртгэнэ. Тэмцээнийг “Монгол тэмүүлэл” сургууль дээр зохион байгуулна гэж НИЙСЛЭЛИЙН БИЗНЕС, ИННОВАЦЫН ГАЗАР мэдээлэв.