CS2-ын дэлхийн аварга шалгаруулах тэмцээн гэж болохуйц "PGL Major Copenhagen 2024"-ын эрхийн төлөөх Ази тивийн урьдчилсан шатны тэмцээн Хятадын Шанхай хотод үргэлжилж байна.

1,250,000 ам.долларын шагналын сантай "PGL Major Copenhagen 2024" гуравдугаар сарын 17-31-ний хооронд Данийн нийслэлд болно. Тус тэмцээнд Ази тивээс хоёр баг оролцох боломжтой.

• TheMongolz Австралийн багийг хожиж дээд хүснэгтийн финалд шалгарлаа
• Дэлхийн аваргын урьдчилсан шатны тоглолт энэ сарын 26-д эхэлнэ
• Азийн 47 дахь удаагийн Challenger League-т Монголын дөрвөн баг оролцоно

Энэ сарын 28-ыг дуустал үргэлжлэх Asia-Pacific RMR-т Ази, Номхон далайн шилдэг 8 баг өрсөлдөж байгаа дунд Монголын "TheMongolz", "ATOX Esports" багууд болон монгол тоглогчтой "Myth Avenue", монгол дасгалжуулагчтай Австралийн "Grayhound Gaming" багууд оролцож байна.

Урьдчилсан шатны хоёр дахь өдөр доод хүснэгтэд учраа таарсан Монголын "ATOX Esports" болон монгол тоглогчтой "Myth Avenue Gaming" багууд хэн нь тэмцээнд үлдэхээ шийдэхээр BO3 журмаар тоглолоо. Тоглолтод ATOX 2-0 (Ancient 13-9, Nuke 13-3) харьцаагаар хожлоо. Тэд дараагийн шатанд Хятадын "TYLOO" багтай тоглоно.

Доод хүснэгтийн хоёр дахь тоглолт Ойрх Дорнодын хоёр төлөөллийн хооронд болоход "JiJieHao" баг "Twisted Minds" багийг 2-0 (Inferno 16-14, Anubis 13-8) харьцаагаар хожиж дараагийн шатанд Австралийн "Grayhound Gaming" багтай тоглохоор боллоо.

Доод хүснэгтийн хагас шигшээд Монголын ATOX Esports Хятадын TYLOO багтай тоглож 2-1 (Nuke 13-3, Inferno 4-13, Anubis 2-13) харьцаагаар хожлоо. Тэд дараагийн шатанд Австралийн Grayhound Gaming болон Ойрх Дорнодын JiJieHao багуудын хожсонтой тоглоно.