АНУ-ын Ерөнхийлөгч Жо Байден 2032 он гэхэд шинээр үйлдвэрлэх автомашинуудын 56 хувийг цахилгаан болгох шийдвэрийг танилцуулав.

Ингэснээр дараагийн 30 жилд нүүрсхүчлийн хийн ялгарлыг долоон тэрбум тонноор бууруулах боломжтой гэж Байгаль орчны газраас мэдэгдсэн байна.

Энэ талаар Байден “Өнөөдөр бид автомашин болон ачааны машины бохирдолд шинэ стандарт тогтоож байна.

АНУ-ын ажилчид “Америкт үйлдвэрлэв” гэсэн тамгатай автомашин үйлдвэрлэлээр дэлхийд тэргүүлэх болно. Би амлаж байна” гэжээ.

Байдены уг шийдвэрийг байгаль хамгаалагчид эерэгээр хүлээж авсан бол зарим нь байгаль орчныг хамгаалахад нөлөө үзүүлэх хэмжээний дорвитой шийдвэр биш байна гэж шүүмжилжээ.

Өнгөрсөн жил АНУ-ын автомашин борлуулалтын 7.6 хувь нь цахилгаан машин байсан. Дээрх шийдвэр хэрэгжиж эхэлснээр энэ үзүүлэлт 35-56 хувь хүртэл өсөх боломжтой аж.

Улс орнууд нүүрсхүчлийн хийн ялгарлыг бууруулахын тулд авч буй нийтлэг арга хэмжээний нэг нь түлшээр ажилладаг автомашины хэрэглээг бууруулах юм.

Эх сурвалж: The Guardian