ЭХЯ-ны Төрийн нарийн бичгийн дарга, сайдаар ажиллаж байсан Н.Тавинбэхийг АТГ-аас хойшлуулшгүй ажиллагаа явуулж, 48 цагийн хугацаагаар саатуулсан байна.

Тодруулбал, түүнийг АТГ-аас гаднын орны эрчим хүчний хөнгөлөлттэй зээлийн төслийг албан тушаалын байдлаа урвуулан ашиглаж, хууль бусаар хувьдаа завшиж, хөрөнгөжсөн байж болзошгүй үндэслэлээр шалгаж байгаа аж. Энэ талаарх дэлгэрэнгүй мэдээллийг АТГ-аас удахгүй хүргэнэ гэв. 

Н.Тавинбэхийн товч намтар 

Н.Тавинбэх нь 1971 онд төрсөн. Үндэс, угсаа Халх. Ам бүл 4. Цахилгааны инженер мэргэжилтэй, Бизнесийн ухаан, эрчим хүчний магистр зэрэгтэй. 

БОЛОВСРОЛ: 

• 1989 онд Багануур дүүргийн ерөнхий боловсролын сургууль
• 1994 онд Техникийн их сургууль, 2005 онд Удирдлагын академи
• 2020 онд Шинжлэх ухаан, технологийн их сургуулийг тус тус төгссөн.

АЖЛЫН ТУРШЛАГА: 

• 1995-2001 онд Багануурын цахилгаан, шугам сүлжээний газрын Засварын албанд монтёр, мастер, албаны дарга, инженер
• 2001-2007 онд “Багануур зүүн өмнөд бүсийн цахилгаан түгээх сүлжээ” ХК-ийн дэд захирал, ерөнхий инженер
• 2007-2013 онд мөн компанийн гүйцэтгэх захирал
• 2015-2017 онд Багануур хотын захирагч
• 2017 онд “Багануур зүүн өмнөд бүсийн цахилгаан түгээх сүлжээ” ХК-ийн гүйцэтгэх захирал
• 2017-2020 онд БЗӨБЦТС ТӨХК-ийн  Гүйцэтгэх захирал
• 2020-2021 онд Эрчим хүчний сайд
• 2022-2024 онд Яамны Төрийн нарийн бичгийн дарга

ХӨРӨНГӨ ОРЛОГЫН МЭДҮҮЛЭГ

Н.Тавинбэхийн Авлигатай тэмцэх газарт мэдүүлсэн 2024 оны Хөрөнгө орлогын мэдүүлгийг хүргэж байна. Эрчим хүчний сайдаар томилогдох Н.Тавинбэхийн өөрийн орлого жилийн 38 сая, гэр бүлийн орлого 50 сая, 199 сая төгрөгийн үнэ бүхий нийтийн орон сууц, барилга байгууламж, 656 сая төгрөгийн малтай хэмээн ХОМ-тээ бөглөжээ.

• Өөрийн орлого: 38.413.620 төгрөг
• Гэр бүлийн орлого: 50.603.690 төгрөг
• Хөрөнгө борлуулсны орлого: 464.669.800 төгрөг
• Тээврийн хэрэгсэл - Байхгүй
• Орон сууц, барилга байгууламж: 199.191.500 төгрөгийн үнэлгээ бүхий 2 нийтийн орон сууц
• Мал, аж ахуй: 656.000.000 төгрөгийн үнэлгээ бүхий Адуу-610, Үхэр-480, Хонь-1600, Ямаа-300
• Газар: 29.547.500 төгрөгийн үнэлгээ бүхий Эзэмших 1га-4, Эзэмших 10га-1, Эзэмших100га-1, Эзэмших 500га-1, Эзэмших 596м2-1, Эзэмших 650м2-1, Эзэмших 697м2-1
• Үнэт эдлэл: Байхгүй
• Хадгаламж: 32.826.350 төгрөг
• Бэлэн мөнгө: 225.000.000 төгрөг
• Авлага: байхгүй
• Зээл: 147.534.070 төгрөг
• Хуулийн этгээдэд оруулсан хөрөнгө оруулалт, хувьцаа, бонд, бусад үнэт цаас: Эрдэнэс таван толгой ХХК ХК 1072ш, Эрдэнэс таван толгой ХК 1072ш, Разно импекс нэгдэл ХК 51ш, Эрдэнэс таван толгой ХК 1072ш, Эрдэнэс таван толгой ХК 1072ш,