Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
6
АНУ-ын ерөнхийлөгч Дональд Трампын засаг захиргаа 75 улсын иргэдэд цагаачлалын виз олгохоо түр зогсоох шийдвэрийг гаргаад байна.
Энэ шийдвэрээ Миннесота мужид гарсан нийгмийн халамжийн хөтөлбөрүүдэд зориулагдсан холбооны сангийн хөрөнгийг завшсан дуулиантай холбон тайлбарлав.
Энэ дуулиан хэзээнээс эхэлсэн бэ?
2022 оны есдүгээр сард буюу ерөнхийлөгч асан Жо Байдены засаг захиргааны үед тухайн үеийн АНУ-ын ерөнхий прокурор ковидын цар тахлын үеэр холбооны санхүүжилттэй хүүхдийн хоол тэжээлийн хөтөлбөрөөс 250 сая ам.доллар завшсан хэрэгт холбогдуулан 47 хүнийг яллагдагчаар татсанаа зарлаж байв.
Тэдний зарим нь ашгийн бус байгууллагад ажиллаж байсан бол бусад нь тус байгууллагатай холбоотой ресторан болон ижил төрлийн бизнес эрхлэгчид байжээ.
Тэд хүүхдүүдэд үнэгүй хоол өгсөн гэж худал мэдүүлсэн ч бодит байдал дээр ийм үйлчилгээ үзүүлээгүй гэж буруутгагдсан байна.
Тэгвэл энэ нь сомали гаралтай америкчууд болон сомали цагаачидтай хэрхэн холбогдох болов?
Үнэгүй хоол өгсөн гэх байгууллагын үүсгэн байгуулагч, гүйцэтгэх захирал болох америк эмэгтэй Айми Бокыг залиланг удирдсан хэмээн буруутгасан.
Харин түүний ихэнх ажилтан болон хамтрагч нь сомали гаралтай америкчууд байсан талаар орон нутгийн хэвлэлүүд мэдээлжээ.
АНУ-ын Хүн амын тооллогын газрын 2024 оны тайлангаар АНУ-ын мужуудаас Миннесота мужид хамгийн их сомали иргэд амьдардаг гэсэн байна. Тэдний тоо 76 мянга орчимд хүрчээ.
Эдгээр хүмүүсийн тал хувь нь АНУ-д төрсөн тул тус улсын иргэншилтэй болсон. Түүнчлэн сүүлийн жилүүдэд улсад нь болж буй дайнаас зугтах зорилгоор сомаличууд олноороо АНУ-ыг зорин очих болсон.
Харин Трамп сомаличуудыг “Миннесотаг мөлжсөн”, “Юу ч бүтээдэггүй”, “Хог новш” зэргээр доромжилсон мэдэгдлийг өнгөрсөн сард хийж байв.
Миннесота мужийн захиргаанаас дээрх хэрэгтэй холбогдуулж бусад залилангийн хэрэг байгаа эсэхийг үргэлжлүүлэн шалгаж байна.
Трампын засаг захиргаа Миннесота мужид тавих хяналтаа чангатгах, зарим холбооны санхүүжилтийг зогсоох талаар анхааруулга өгөөд буй. Мөн Цагаачлалын албанаас болзошгүй залилангийн хэргүүдийн илрүүлэхээр ажиллаж байгааг Цагаан ордноос мэдээлсэн.
Эх сурвалж: Reuters
АНУ-ын ерөнхийлөгч Дональд Трампын засаг захиргаа 75 улсын иргэдэд цагаачлалын виз олгохоо түр зогсоох шийдвэрийг гаргаад байна.
Энэ шийдвэрээ Миннесота мужид гарсан нийгмийн халамжийн хөтөлбөрүүдэд зориулагдсан холбооны сангийн хөрөнгийг завшсан дуулиантай холбон тайлбарлав.
Энэ дуулиан хэзээнээс эхэлсэн бэ?
2022 оны есдүгээр сард буюу ерөнхийлөгч асан Жо Байдены засаг захиргааны үед тухайн үеийн АНУ-ын ерөнхий прокурор ковидын цар тахлын үеэр холбооны санхүүжилттэй хүүхдийн хоол тэжээлийн хөтөлбөрөөс 250 сая ам.доллар завшсан хэрэгт холбогдуулан 47 хүнийг яллагдагчаар татсанаа зарлаж байв.
Тэдний зарим нь ашгийн бус байгууллагад ажиллаж байсан бол бусад нь тус байгууллагатай холбоотой ресторан болон ижил төрлийн бизнес эрхлэгчид байжээ.
Тэд хүүхдүүдэд үнэгүй хоол өгсөн гэж худал мэдүүлсэн ч бодит байдал дээр ийм үйлчилгээ үзүүлээгүй гэж буруутгагдсан байна.
Тэгвэл энэ нь сомали гаралтай америкчууд болон сомали цагаачидтай хэрхэн холбогдох болов?
Үнэгүй хоол өгсөн гэх байгууллагын үүсгэн байгуулагч, гүйцэтгэх захирал болох америк эмэгтэй Айми Бокыг залиланг удирдсан хэмээн буруутгасан.
Харин түүний ихэнх ажилтан болон хамтрагч нь сомали гаралтай америкчууд байсан талаар орон нутгийн хэвлэлүүд мэдээлжээ.
АНУ-ын Хүн амын тооллогын газрын 2024 оны тайлангаар АНУ-ын мужуудаас Миннесота мужид хамгийн их сомали иргэд амьдардаг гэсэн байна. Тэдний тоо 76 мянга орчимд хүрчээ.
Эдгээр хүмүүсийн тал хувь нь АНУ-д төрсөн тул тус улсын иргэншилтэй болсон. Түүнчлэн сүүлийн жилүүдэд улсад нь болж буй дайнаас зугтах зорилгоор сомаличууд олноороо АНУ-ыг зорин очих болсон.
Харин Трамп сомаличуудыг “Миннесотаг мөлжсөн”, “Юу ч бүтээдэггүй”, “Хог новш” зэргээр доромжилсон мэдэгдлийг өнгөрсөн сард хийж байв.
Миннесота мужийн захиргаанаас дээрх хэрэгтэй холбогдуулж бусад залилангийн хэрэг байгаа эсэхийг үргэлжлүүлэн шалгаж байна.
Трампын засаг захиргаа Миннесота мужид тавих хяналтаа чангатгах, зарим холбооны санхүүжилтийг зогсоох талаар анхааруулга өгөөд буй. Мөн Цагаачлалын албанаас болзошгүй залилангийн хэргүүдийн илрүүлэхээр ажиллаж байгааг Цагаан ордноос мэдээлсэн.
Эх сурвалж: Reuters