УИХ дахь Ардчилсан Намын бүлэг хуралдаж, гарсан шийдвэрийн талаар мэдээлэл өгч байна. Өнөөдрийн хурлаар Монгол Улсын Засгийн газрын 2025 оны аравдугаар сарын 8-ны өдрийн хуралдаанаар баталсан "Төрийн нууцад хамаарах мэдээллийг ил болгох тухай" тогтоолын хүрээнд "Эрдэнэс Тавантолгой" ХК-аас 2020-2022 онд байгуулсан нүүрс нийлүүлэх 36 оффтейк гэрээний талаар мэдээллийг сонсжээ. 

Бүлгийн дарга О.Цогтгэрэл "Ерөнхий сайд Г.Занданшатар, УИХ-ын дарга Д.Амарбаясгалан нарыг огцруулах асуудлыг хамтад нь хэлэлцэх ёстой. Эрх баригч тал хоёр тал болоод хуваагдаад явж байна. Энэ хуралдааныг цөөнхөөс томилогдсон УИХ-ын дэд дарга буюу Б.Пүрэвдорж гишүүн хуралдуулах нь зүйтэй.

Энэ хоёр асуудал нэг өдөр хамт тавигдах ёстой. Ингэж байж Ардчилсан Намын бүлэг шийдвэр гаргах бололцоо бүрдэнэ гэж үзэж байна. Энэ бол бүлгийн гишүүдийн 100 хувийн саналаар шийдвэрлэсэн байр суурь" гэв.