Монгол, ОХУ, БНХАУ-ын төмөр замын төлөөлөгчид энэ сарын 25-29-нд хилийн боомтоор нэвтрэх зорчигч, ачаа тээврийн солилцооны асуудлаар хуралдлаа. Хурлаар шийдвэрлэсэн асуудлын талаар УБТЗ-ын тээвэрлэлт хариуцсан орлогч дарга Д.Амарбаясгалан мэдээлэл өглөө.

Тэрээр, Манай улс Хятад улстай галт тэрэг солилцооны тоог нэмэгдүүлэх зорилт тавьсан. Хоногт 15 галт тэрэг хил нэвтэрдэг байсан бол одоо өргөн царигаар 16, нарийн царигаар 10 галт тэргийг хил нэвтрүүлэхээр боллоо.  Энэ хурлаар ОХУ-ын талтай Улаанбаатар-Эрхүү чиглэлийн галт тэргийг тогтмол зорчуулахаар тохиролцоод хүрсэн.

Мөн Замын-Үүд өртөөний тээвэрлэлтийг нэмэгдүүлэхээр тохиролцож цаашид УБТЗ зорчигч тээврийг сайжруулахын тулд үе шаттай анхаарч ажиллахаар боллоо. Ирэх есдүгээр сард Бээжин хотод болох хурлаар Улаанбаатар-Хөх хот чиглэлд явдаг галт тэргийг сайжруулж, орчин үеийн вагоныг ашиглах асуудлыг хэлэлцэнэ гэв.

Өсөн нэмэгдэж буй тээврийн эрэлт хэрэгцээг хангаснаар, бүс нутагт өрнөж буй худалдаа, эдийн засгийн тэлэлтэд тус болох юм. УБТЗ  2024 онд 33.4 сая тонн ачаа тээвэрлэжээ. Үүний:

• 5.3 сая нь транзит буюу дамжин өнгөрүүлсэн тээвэр,  
• 11.6 сая тонн нь экспорт, 
•  3.8 сая тонн нь импортын ачаа эзэлж байна.

Үүнээс үзвэл нийт ачаа тээврийн 62 хувийг гадаад худалдааны ачаа эзэлсэн байна.  

Бэлтгэсэн: МУИС-ийн 3-р курсийн оюутан А.Мичидмаа