Монгол Улсын 2,3 сая иргэний 4 сая орчим мэдээллийг 700 ам.долларын үнэтэйгээр худалдаалж байна гэх зар raidforums.com гэх хакеруудын сайтад байршжээ.

Уг сайтын Marketing Database  буюу зарын хэсэгт PieWithNothing гэх нэртэй хэрэглэгч Монгол Улсын 2,3 сая иргэний нэр, овог, утасны дугаар, и-мэйл хаяг, гэрийн хаяг, ажил, регистрийн дугаар,  хэрэглэгчийн болон бусад мэдээллүүд зарж байгаа талаар бичжээ. 2019 оны есдүгээр сард элссэн уг хэрэглэгч "Хэрвээ энэ мэдээллийг худалдаж авахыг хүсвэл та над руу зурвас бичнэ үү" гэж бичсэн байна. 

Гэвч үнэхээр монгол иргэдийн мэдээллийг худалдаалж байгаа юу эсвэл 700 доллар залилах гэсэн арга зам уу гэдэг нь одоогоор тодорхойгүй байгаа юм.

Монголбанкны сайт өчигдөр халдлагад өртсөн. Халдлагыг гаднаас эсвэл дотоодоос хийсэн эсэх нь одоогоор тодорхойгүй байна. Тус сайтад иргэдийн хувийн мэдээлэл байршдаггүй. Хар захад иргэдийн мэдээллийг худалдсан нь үнэн бол энэ нь манай сайтын халдлагатай холбоогүй гэв.

Бид Тагнуулын ерөнхий газраас тодруулах гэсэн боловч холбогдож чадаагүй юм.