Тулгар төрийн 2235, Их Монгол Улс байгуулагдсаны 820, үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ойн Үндэсний их баяр наадмын хүчит бөхийн барилдааны үзүүр түрүү тун удахгүй тодрох гэж байна. 

Сэлэнгэ аймгийн Цагааннуур сумын харьяат, Таван Хан дэвжээ, Алдар спорт хороо, АПУ ХК, Атар Трейд ХХК-ийн бөх, улсын арслан Б.Орхонбаяр энэ удаагийн наадмын түрүүг авбал Даян Аварга цол хүртэнэ. 

Харин Ховд аймгийн Зэрэг сумын харьяат, Ховд дэвжээ, Аврагч спорт хорооны бөх, улсын заан Б.Бат-Өлзий түрүүлбэл Улсын Аварга цол хүртэх юм.

Улсын арслан Б.Орхонбаяр арав даван түрүүлж, ДАЯН АВАРГА боллоо. Тэрбээр энэ жилийн баяр наадмаар, 

1. Нэгийн даваанд залуу бөх Ч.Мөнх-Оргилыг
2. Хоёрын даваанд сумын заан М.Бямбажавыг
3. Гурвын даваанд цэргийн начин Ө.Даваацэрэнг
4. Дөрвийн даваанд аймгийн арслан Х.Балжиннямыг
5. Тавын даваанд аймгийн арслан Х.Дүүрэнсаранг
6. Зургаагийн даваанд аймгийн арслан А.Нармандахыг
7. Долоогийн даваанд Улсын заан С.Сүхбатыг
8. Наймын даваанд аймгийн хурц бадрангуй арслан Д.Алтанцоожийг
9. Есийн даваанд Улсын заан М.Лхагвагэрэлийг 
10. Арвын даваанд Улсын заан Б.Бат-Өлзийг давж ийнхүү Даян Аварга боллоо. 

Улсын заан Б.Бат-Өлзий

1. Нэгийн даваанд залуу бөх Ш.Ган-Эрдэнийг
2. Хоёрын даваанд сумын заан П.Жамсранг
3. Гурвын даваанд аймгийн начин П.Бадралыг
4. Дөрвийн даваанд аймгийн арслан Б.Дэнзэнсамбууг
5. Тавын даваанд аймгийн хурц арслан Ц.Мөнхбаярыг
6. Зургаагийн даваанд цэргийн арслан Г.Жамбалдоржийг
7. Долоогийн даваанд аймгийн арслан Ө.Батсуурийг
8. Наймын даваанд Улсын арслан Э.Батмагнайг
9. Есийн даваанд Дархан аварга Н.Батсуурийг давж УЛСЫН АРСЛАН цол хүртлээ.

Сэлэнгэ аймгийн Цагааннуур сумын харьяат, Таван Хан дэвжээ, Алдар спорт хороо, АПУ ХК, Атар Трейд ХХК-ийн бөх, Б.Орхонбаяр

• 2016 онд сумын заан
• 2018 онд аймгийн арслан
• 2019 онд аймгийн арслан (нэг баталсан)
• 2019 онд Улсын начин
• 2020 онд Улсын начин (нэг баталсан)
• 2021 онд Улсын харцага
• 2022 онд Улсын арслан 
• 2026 онд Улсын Даян Аварга болж байна. 

Ховд аймгийн Зэрэг сумын харьяат, Ховд дэвжээ, Аврагч спорт хорооны бөх Б.Бат-Өлзий

• 2008 онд сумын заан
• 2013 онд цэргийн начин
• 2013 онд аймгийн харцага
• 2014 онд аймгийн заан
• 2016 онд Улсын харцага
• 2022 онд Улсын заан
• 2026 онд Улсын Арслан боллоо. 

Даян Аварга Б.Орхонбаярын багш Улсын харцага Т.Өсөх-Ирээдүй баяр наадмын талаарх сэтгэгдлээ илэрхийллээ. Тэрбээр  “Дэмжсэн бүх хүмүүстээ баярлалаа. Шавь минь олон жилийн дараа Үндэсний их баяр наадамдаа түрүүллээ. Үүнээс өмнө зургаан удаа шөвгөрсөн байсан. Миний шавь болоод арван жил болж байна. Маш их бахархлаа. Бусад шавь нар маань ч цол, чимгээ ахиулсан ээлтэй наадам боллоо” гэв.