Япон Улсын Цог Жавхлант Эзэн Хаан Нарүхито өнөөдөр Чингис хаан үндэсний музейд зочилж байна. Хүндэт зочныг Гадаад харилцааны сайд Б.Батцэцэг, Соёл спорт, аялал жуулчлал, залуучуудын сайд Ч.Ундрам, "Чингис хаан" музейн захирал, академич С.Чулуун нарын албаны хүмүүс угтан авч байна. 

Монгол Улсын Ерөнхийлөгч Ухнаагийн Хүрэлсүхийн урилгаар Япон Улсын Цог Жавхлант Эзэн Хаан Нарүхито, Эрхэм дээд Хатан Масако нар Монгол Улсад айлчилж байна. Төрийн айлчлал 7-р сарын 06-13-ны өдрүүдэд үргэлжилнэ. Тус айлчлал нь Япон Улсын Цог Жавхлант Эзэн Хаан Нарүхито, Эрхэм дээд Хатан Масако нарын манай улсад хийж буй анхны төрийн айлчлал юм.

Айлчлалын хүрээнд Монгол Улсын Ерөнхийлөгч У.Хүрэлсүх, Япон Улсын Цог Жавхлант Эзэн Хаан Нарүхито нар албан ёсны уулзалт хийж, найрсаг харилцаа, ард иргэдийн найрамдал, нөхөрлөлийг гүнзгийрүүлэн хөгжүүлэх талаар ярилцана.