Энэ сарын 16-ны өдрийн байдлаар Хангайн нурууны араас усжих Орхон гол Хархорин сум орчим, Хангайн нурууны өврөөс эхтэй Байдраг, Түйн, Онги зэрэг голуудын усны түвшин өмнөх өдрөөс 10-50 см-ээр нэмэгдсэн байна.

Ихэнх гол, мөрөн олон жилийн дундаж түвшинг 5-120 см давжээ. Орхон гол Хархорин сум, Байдраг гол Баянбүрд орчим үерийн түвшинг 40 см даван үерлэж байна.

Ихэнх нутгаар солигдмол үүлтэй.

Хангай, Хөвсгөл, Хэнтийн уулархаг нутгаар бороо, дуу цахилгаантай аадар бороо орох тул тухайн хугацаанд орсон хур борооны эрчимшил хэмжээнээс шалтгаалан гол мөрний усны түвшин богино хугацаанд огцом нэмэгдэх, хуурай сайр, гуу жалгаар уруйн үер буух нөхцөл бүрдэх тул иргэд үерийн аюултай бүсээс хол аюулгүй газар зусах, амрах болон гол мөрөн, нуурын ойролцоо амарч зугаалахдаа ажиглалт хийж, уулын ам, голын ай сав, үерийн буулт бүхий газарт отоглож , хоноглохгүй байх, зөвхөн зөвшөөрөгдсөн зам гүүрээр зорчихыг зөвлөж байна.

Эх сурвалж: Цаг уур, орчны шинжилгээний газар