Өнгөрөгч нэгдүгээр сарын 30-ны өдөр Богдхан уулын тусгай хамгаалалттай газрын нутаг дэвсгэрт стандартыг мөрдөөгүй, үзүүртэй төмөр хашаанд буга гэмтсэн тохиолдол бүртгэгдсэн.

Үүнтэй холбоотойгоор Хотын дарга Х.Нямбаатар "Амралтын өдрүүдэд Богд уулын амыг хашаалсантай холбоотой амьтад явах гарцгүй болж, үсэрч харайгаад бэртэж байгаа бичлэг цахим орчинд түгсэн. Энэ асуудал ганц өчигдөр үүсчхээгүй олон жил үргэлжилж байна.

Газар олголтыг нь Байгаль орчин, уур амьсгалын өөрчлөлтийн яам отог нэрээр хийж, хор уршгийг нь хотоороо амсаж ирлээ. Энэ нь Байгаль Орчны Яам хууль зөрчиж, олон жил хийсэн ажлын урхагтай үр дагавар. Менежментийг хот авч явъя гээд олон жил болж байгаа. Дийлээгүй. УИХ-ын хаврын чуулганаар энэ асуудлыг хэлэлцэж чадахгүй байх.

Хотын хойд талын зуслангийн бүсийн газар олголтыг хотоос хийсэн. Хэсэгчилсэн төлөвлөгөөний дагуу зуслангийн бүсийн хашаа хороог татуулж, иргэд чөлөөтэй зорчих явган хүний зам гаргах ажлыг зохион байгуулна. Мал амьтан байтугай хүн явах эцэсгүй болж байна. Хүүхдүүдээ аваад салхилуулдаг, чөлөөтэй алхдаг болгох ажлыг зохион байгуулна.

Зургаан дүүргийн газрын алба, дүүргийн Засаг дарга нар уг ажлыг хариуцна. Энэ тухай нийслэлийн Засаг даргын захирамж гаргана" гэв.