Засгийн газрын ээлжит хуралдаан гаргасан шийдвэрүүдийг танилцуулж байна. 

Улаанбаатар хотноо 2025 оны долоодугаар сарын 16-нд гарын үсэг зурсан "Агаарын харилцааны тухай Монгол Улсын Засгийн газар, Саудын Арабын Хаант Улсын Засгийн газар хоорондын хэлэлцээр"-ийг баталлаа.

Хэлэлцээр байгуулснаар Монгол, Саудын Арабын хооронд шууд нислэг үйлдэх эрх зүйн зохицуулалт бий боллоо. Баруун Азийн орнууд руу нислэгийн шинэ чиглэл нээх боломжтой болсноос гадна олон улсын тээвэр, логистикийн сүлжээнд холбогдож нислэгийн сүлжээг өргөжүүлэх нөхцөл бүрдэж байна.

Мөн зорчигч урсгалыг нэмэгдүүлж, аялал жуулчлал, худалдаа-эдийн засаг, хоёр улсын хамтын ажиллагааг дэмжих чухал ач холбогдолтой.

Энэ нь Засгийн газрын урт, дунд хугацааны хөгжлийн бодлогын зорилтыг хэрэгжүүлэх, мөн 2023-2028 оныг “Монголд зочлох жил” болгон зарласантай уялдаж байна. Зам, тээврийн яам агаарын тээврийн либералчлалыг дэмжих, нислэгийн чиглэл, тоо, давтамжийг нэмэгдүүлэх бодлогыг хэрэгжүүлж ажиллаж байна.